En cumprimento do disposto no artigo 4.2 do Decreto 406/2009, do 22 de outubro, polo que se crea o Rexistro de Asociacións Profesionais de Traballadores Autónomos da Comunidade Autónoma de Galicia, faise público que no Servizo do Economía, Emprego e Industria da Xefatura Territorial de Pontevedra están depositados os estatutos da Asociación de mariscadores a pé da ría de Vigo Beira Sur, da cal se fan as seguintes indicacións:
Ámbito territorial: Pontevedra (concellos de Vigo e Nigrán).
Especialidade subxectiva e de obxectivos: defender os intereses profesionais dos seus asociados respectando os principios democráticos, sen distinción de sexo, raza, opinións políticas ou relixiosas, e procurando a colaboración entre os seus socios.
Ámbito funcional: poderán ser integrantes da asociación todas aquelas persoas mariscadoras autónomas profesionais, con permiso de explotación (Permex), que estean incluídas no ámbito de aplicación de artigo 1 da Lei 20/2007, do 11 de xullo, do Estatuto do traballo autónomo, dentro do ámbito territorial da Comunidade Autónoma de Galicia.
Asinantes da acta de constitución: Jacobo Campos Martínez, Víctor González Guitián e Iago Soto García.
Pontevedra, 29 de xuño de 2016
Ignacio Rial Santomé
Xefe territorial de Pontevedra