De conformidade co disposto no artigo 60.1 da Lei 30/1992, do 26 de novembro, de réxime xurídico das administracións públicas e do procedemento administrativo común, publícase o seguinte anuncio:
O Consello da Xunta de Galicia, na súa reunión do 23 de xuño de 2016, adoptou entre outros o seguinte
ACORDO:
1. Declarar a perda da condición de utilidade pública e a exclusión do Catálogo de montes de utilidade pública dunha parte do monte Pindo, número 368, no concello de Carnota (A Coruña), que inclúe as superficies que se relacionan a continuación:
– 110,78 ha por clasificación do MVMC de Caldebarcos e San Cibrao, logo da revisión do seu esbozo e da aprobación da súa planimetría.
– 2,689 ha por ter perdido as características polas que foi catalogada.
2. A superficie do monte de utilidade pública, logo destas exclusións, pasará a ser de 928,101 ha.
3. Dar traslado ao Ministerio de Agricultura, Alimentación e Medio Ambiente da citada exclusión do catálogo.
Contra este acordo as persoas interesadas poderán interpoñer recurso de reposición, con carácter potestativo, ante o Consello da Xunta no prazo dun mes, ou ben interpoñer directamente recurso contencioso-administrativo ante o Tribunal Superior de Xustiza de Galicia no prazo de dous meses, de acordo co disposto nos artigos 109 e 116 da Lei 30/1992, do 26 de novembro, de réxime xurídico das administracións públicas e do procedemento administrativo común, e nos artigos 10 e 46 da Lei 29/1998, do 13 de xullo, da xurisdición contencioso-administrativa.
Santiago de Compostela, 4 de xullo de 2016
Tomás Fernández-Couto Juanas
Director xeral de Ordenación e Produción Forestal