Resolución do 23 de xuño de 2016, da Consellería de Medio Ambiente e Ordenación do Territorio, pola que se encarga ao medio propio empresa pública de Servizos Agrarios, S.A. (Seaga), os traballos de corta e retirada da vexetación existentes nas inmediacións do punto de amoreamento de pneumáticos fóra de uso, existente no Concello de Fene (A Coruña).
– Actividade. Corta e retirada da vexetación existente nas inmediacións dun punto de acopio de pneumáticos fóra de uso existente no Concello de Fene como paso previo á retirada e xestión dos ditos pneumáticos.
– Natureza e alcance da xestión encomendada. Esta encomenda ten natureza intersubxectiva ao ter Seaga a consideración de medio instrumental da Administración, de conformidade co disposto nos artigos 45 e 47 da Lei 16/2010, do 17 de decembro, de organización e funcionamento da Administración xeral e do sector público autonómico.
– Prazo de vixencia. O prazo da execución da encomenda será dun mes e comezará a computarse desde o día seguinte ao da sinatura da resolución.
– Financiamento. Tramitarase con cargo aos orzamentos da Comunidade Autónoma de Galicia para o ano 2016, aplicación orzamentaria 07.03.541D.640.1.
Santiago de Compostela, 27 de xuño de 2016
Beatriz Mato Otero
Conselleira de Medio Ambiente e Ordenación do Territorio