Expediente: IN407A 2015/015-1.

Promotora: Unión Fenosa Distribución, S.A.

Instalación: LMTS, CTC e RBT Rial.

Concello: Rianxo.

Feitos.

1. O 19 de xaneiro de 2015 o promotor solicitou a autorización administrativa previa, autorización administrativa de construción e a declaración de utilidade pública da instalación de distribución eléctrica indicada.

2. Características técnicas:

– LMT soterrada a CTC Rial-tramo 1 a 20 kV cunha lonxitude de 0,215 km, coa orixe en cela de liña do CT Meiquiz (expediente 325/08), condutor tipo RHZ1-2OL-12/20 kV, 3 (1×150 Al), e final en apoio nº 1 da LMTA proxectada.

– LMT soterrada a CTC Rial-tramo 2, a 20 kV cunha lonxitude de 0,260 km, coa orixe en apoio nº 7 da LMTA proxectada, condutor tipo RHZ1-2OL-12/20 kV, 3 (1×150 Al), e final no CT Rial (proxectado).

– LMT aérea a 20 kV, cunha lonxitude de 0,770 km, coa orixe en paso aerosubterráneo da LMTS proxectada tramo 1, condutor tipo LA-56, e final en paso aerosubterráneo da LMTS proxectada-tramo 2, coa instalación de XS, en apoio frecuentado.

– CT prefabricado Rial, cunha potencia de 160 kVA e unha relación de transformación de 20.000/400-230 V.

3. O proxecto someteuse ao trámite de información pública mediante resolución publicada nos seguintes medios:

– Resolución información pública: 21 de maio de 2015.

– DOG: 18 de xuño de 2015.

– BOP: 5 de xuño de 2015.

– Xornal La Voz de Galicia: 21 de outubro de 2015.

– Taboleiro de anuncios do concello: segundo certificado municipal do 9 de xullo de 2015.

Ao mesmo tempo realizáronse notificacións individuais aos titulares que figuran na relación de bens e dereitos afectados.

4. Durante o período no que se someteu ao trámite de información pública foron presentadas as seguintes alegacións.

• Manuela Vázquez Rodríguez e José Luis Somoza Méndez, mediante escritos do 25 de maio de 2015 e do 18 de xuño de 2015, solicitan a modificación da localización do apoio nº 1 alegando, en síntese, o seguinte:

– Que impide o acceso aos predios da súa propiedade.

• María del Carmen Figueira López, mediante escrito do 18 de xuño de 2015, solicita o cambio de titularidade do predio, o soterramento da liña por terreos de dominio público e, de ser o caso, un prezo xusto pola expropiación, alegando en síntese o seguinte:

– Que herdou o predio por falecemento do marido.

– Que o seu predio pasa a quedar inservible para moitos usos agrícolas.

– Que o que pagan e unha esmola insultante.

• José Blanco Gómez, mediante escrito do 30 de xuño de 2015, solicita o cambio de titularidade do predio e oponse á actuación alegando en síntese o seguinte:

– Que herdou o predio por falecemento da súa nai.

– Que non houbo negociación nin información da afección á súa parcela.

Destas alegacións déuselle traslado ao promotor que contestou:

– Escrito con data do 26 de outubro de 2015, no que se valoran as alegacións presentadas por Manuela Vázquez Rodríguez e José Luis Somoza Méndez, no que, en síntese, manifesta o seguinte:

– Que o cambio de localización suporía xerar novas afeccións a terceiros.

– Que o apoio será instalado de xeito que se garanta o acceso aos citados predios.

– Escrito con data do 26 de outubro de 2015, no que se valoran as alegacións presentadas por María del Carmen Figueira López e por José Blanco Gómez, no que, en síntese, manifesta o seguinte:

– Que se procede á modificación é inclusión dos solicitantes como titulares das parcelas que se van expropiar.

– A indemnización por danos e prexuízos sufridos como consecuencia da ocupación e/ou a imposición de servidumes será determinada polo Xurado de Expropiación de Galicia, para o caso de que as partes, expropiado e empresa beneficiaria, non acaden un acordo amigable durante a tramitación do procedemento expropiatorio.

5. Solicitouse o preceptivo informe ás distintas administracións, organismos ou, se é ocaso, empresas de servizo público ou de servizos de interese xeral afectados. O promotor manifestou a súa conformidade cos condicionados establecidos.

6. Os servizos técnicos da xefatura territorial emitiron informe favorable sobre a dita solicitude.

Consideracións legais e técnicas.

1. Lexislación de aplicación:

– Lei 30/1992, do 26 de novembro, de réxime xurídico das administracións públicas e do procedemento administrativo común (BOE núm. 285, do 27 de novembro), modificada pola Lei 4/1999, do 13 de xaneiro (BOE núm. 16, do 19 de xaneiro, e BOE núm. 30, do 4 de febreiro).

– Lei 24/2013, do 26 de decembro, do sector eléctrico (BOE núm. 310, do 27 de decembro).

– Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica (BOE núm. 310, do 27 de decembro).

– Real decreto 223/2008, do 15 de febreiro, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias ITC-LAT 01 a 09 (BOE núm. 68, do 19 de marzo).

– Real decreto 337/2014, do 9 de maio, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias ITC-RAT 01 a 23 (BOE núm. 139, do 9 de xuño).

– Real decreto 842/2002, do 2 de agosto, polo que se aproba o regulamento electrotécnico para baixa tensión (BOE núm. 224, do 18 de setembro).

– Real decreto 2563/1982, do 24 de xullo, sobre traspaso de funcións e servizos da Administración do Estado á Comunidade Autónoma de Galicia en materia de industria, enerxía e minas (BOE núm. 246, do 14 de outubro).

– Decreto 36/2001, do 25 de xaneiro, polo que se establecen os órganos competentes para a resolución dos procedementos de autorización de instalacións eléctricas que sexan competencia da Comunidade Autónoma de Galicia (DOG núm. 34, do 16 de febreiro).

– Decreto 129/2015, do 8 de outubro, polo que se fixa a estrutura orgánica das consellerías da Xunta de Galicia (DOG núm. 194, do 9 de outubro).

– Decreto 175/2015, do 3 de decembro, polo que se establece a estrutura orgánica da Consellería de Economía, Emprego e Industria (DOG núm. 232, do 4 de decembro).

– Lei do 16 de decembro de 1954, sobre expropiación forzosa (BOE núm. 351, do 17 de decembro).

– Decreto do 26 de abril de 1957, polo que se aproba o regulamento da Lei de expropiación forzosa (BOE núm. 160, do 20 de xuño).

2. Na visita de campo realizada para examinar a localización das instalacións, non se apreciou, nos predios sometidos a expropiación, ningunha das limitacións á constitución da servidume indicadas no artigo 58.a) da Lei 24/2013, do 26 de decembro, do sector eléctrico.

3. En relación coas alegacións formuladas e coas manifestacións do promotor, cómpre sinalar:

• Procédese á modificación da relación de bens e dereitos afectados e á inclusión de María del Carmen Figueira López e de José Blanco Gómez como titulares das parcelas que se van expropiar.

• Non procede atender á solicitude realizada polos reclamantes nos restantes aspectos polo seguinte:

– A solución proposta aumentaría as afeccións a parcelas doutros particulares, non presentando autorización dos ditos propietarios.

– A afección real que sufrirá a propiedade do alegante concretarase na acta previa á ocupación, acto para o cal serán os afectados axeitadamente convocados segundo establece o artigo 52 da Lei de expropiación forzosa. Neste acto comprobarase que non queda impedido o acceso aos predios.

– A indemnización por danos e prexuízos sufridos como consecuencia da ocupación e/ou a imposición de servidumes será determinada polo Xurado de Expropiación de Galicia, para o caso de que as partes, expropiado e empresa beneficiaria, non acaden un acordo amigable durante a tramitación do procedemento expropiatorio.

4. No expediente consta un informe favorable dos servizos técnicos desta xefatura territorial.

De acordo con todo o indicado,

RESOLVO:

1. Conceder a autorización administrativa previa, a autorización administrativa de construción e a declaración de utilidade pública, en concreto, da instalación de distribución eléctrica indicada.

2. A instalación executarase no prazo dun ano, contado a partir da data de ocupación dos terreos.

A declaración de utilidade pública leva implícita a necesidade de ocupación dos bens e de adquisición dos dereitos afectados, e implicará a urxente ocupación para os efectos do artigo 52 da Lei de expropiación forzosa.

3. Para a posta en funcionamento da instalación autorizada, deberá presentar ante esta xefatura territorial unha solicitude que se acompañará da seguinte documentación:

– As declaracións de conformidade relativas ao material ou equipo e ás certificacións ou homologacións, se procede.

– Un certificado do director da montaxe no que se garantirá o cumprimento das especificacións do proxecto e prescricións complementarias, se as houbese, así como das regulamentacións e normas oportunas para a montaxe da instalación e posta a punto.

4. Esta autorización outórgase sen prexuízo de outras que fosen de aplicación segundo a lexislación vixente, en especial a relativa á ordenación do territorio e ao ambiente.

Contra esta resolución, que non é definitiva en vía administrativa, poderá interporse recurso de alzada ante o conselleiro de Economía, Emprego e Industria, no prazo dun mes, contado a partir do día seguinte ao da notificación ou publicación nos termos establecidos na Lei 30/1992, do 26 de novembro, de réxime xurídico das administracións públicas e do procedemento administrativo común (BOE núm. 285, do 27 de novembro), modificada pola Lei 4/1999, do 13 de xaneiro (BOE núm. 10, do 14 de xaneiro), sen prexuízo de que os interesados poidan interpor calquera outro recurso que se considere pertinente.

A Coruña, 29 de xuño de 2016

Isidoro Martínez Arca
Xefe territorial da Coruña