A instalación denominada LAT Feixa-Calvos, subtramo do apoio 6-derivación ao CT de Calvos, nos concellos de Ponte Caldelas e de Fornelos de Montes, foi declarada de utilidade pública mediante a Resolución do 11 de xuño de 2015, da Xefatura Territorial de Pontevedra, o que leva implícita a urxente ocupación dos bens e dereitos afectados, tendo a condición de beneficiaria a empresa Eléctrica de Moscoso, S.L.

Segundo o disposto no artigo 52 da Lei de expropiación forzosa e no artigo 54.1 da Lei 54/1997, do 27 de novembro, do sector eléctrico, comunícase que o día 14 de setembro de 2016, a partir das 10.00 horas no concello de Ponte Caldelas e ás 12.00 horas no concello de Fornelos de Montes, terá lugar sobre o terreo o levantamento das actas previas á ocupación dos bens e dereitos contidos na relación de predios que se expoñen xunto con esta resolución e no taboleiro de edictos dos concellos de Ponte Caldelas e de Fornelos de Montes.

Os interesados recibirán unha notificación individual coa debida antelación legal, na cal se lle comunicará a data e a hora en que deberán presentarse nos seus predios, informándoos de que poderán ir acompañados por un perito ou un notario, pola súa conta, se así o consideran conveniente.

Esta publicación servirá de comunicación para os titulares daqueles predios que figuran como descoñecidos ou se ignora o lugar de notificación, de acordo co establecido no artigo 59.5 da Lei 30/1992, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.

Vigo, 27 de xuño de 2016

Ignacio Rial Santomé
Xefe territorial de Pontevedra

LAT Feixa-Calvos-Ponte Caldelas

Nº	Cultivo	Representante	Nome e apelidos	Nº apoio	m2 solo	ml aéreo	m2 aéreo	Concello	Hora AP
1	Mato	José Manuel Cal Vázquez	CMVMC de Chaín	4	9	503	7.484	Ponte Caldelas	10
2	Mato	José Manuel Cal Vázquez	CMVMC de Chaín	5	12	567	11.957	Ponte Caldelas	10
3	Mato	José Manuel Cal Vázquez	CMVMC de Chaín	1	2	69	893	Ponte Caldelas	10
4	Mato	José Manuel Cal Vázquez	CMVMC de Chaín	2	5	383	6.120	Ponte Caldelas	10
5	Mato	José María Oitavén Garrido	CMVMC de Barbudo	2	8	313	9.535	Ponte Caldelas	10

LAT Feixa-Calvos-Fornelos de Montes

Nº	Cultivo	Representante	Nome e apelidos	Nº apoio	m2 solo	ml aéreo	m2 aéreo	Concello	Hora AP
1	Mato	Alfonso Ventín Estévez	CMVMC de Calvos	0	0	70	2.732	Ponte Caldelas	12
2	Mato	Alfonso Ventín Estévez	CMVMC de Calvos	1	6	80	3.177	Ponte Caldelas	12
3	Mato	Alfonso Ventín Estévez	CMVMC de Calvos	2	5	193	3.478	Ponte Caldelas	12