Coa data do 29 de xuño de 2016, a xefa territorial da Consellería de Sanidade ditou acordo de inicio do expediente sancionador 2016127TA-CO incoado a Oro, Incienso y Mirra, Restauración, S.L.
Intentada a notificación deste acordo segundo o disposto no artigo 59.2 da Lei 30/1992, do 26 de novembro, de réxime xurídico das administracións públicas e do procedemento administrativo común, e non sendo posible a súa práctica, por medio desta cédula e ao abeiro do disposto no número 5 do devandito artigo, notifícase a Oro, Incienso y Mirra, Restauración, S.L. o contido do dito acordo de inicio que figura como anexo para que poida ter coñecemento del.
Así mesmo, fáiselle saber o dereito que a asiste ao abeiro do disposto no número 1 do artigo 16 do Real decreto 1398/1993, do 4 de agosto, polo que se aproba o Regulamento para o exercicio da potestade sancionadora, para presentar alegacións ante a xefatura territorial no prazo de 15 días hábiles, contados desde o seguinte ao da publicación desta cédula, lembrándolle o seu dereito a consultar o expediente depositado nas dependencias da xefatura territorial, sita na rúa Durán Loriga, 3, A Coruña e a obter, se é o caso, copia do expediente, segundo o previsto na letra a) do artigo 35 da Lei 30/1992, do 26 de novembro.
Advírteselle que no caso de non efectuar alegacións sobre o contido do dito acordo no citado prazo, o acordo de inicio se considerará proposta de resolución cando conteña un pronunciamento preciso acerca da responsabilidade imputada, cos efectos previstos nos artigos 18 e 19 do Real decreto 1398/1993.
Esta cédula expídese para que conste e lle sirva de notificación á interesada, en cumprimento do disposto co artigo 59.5 da Lei 30/1992, do 26 de novembro, modificado pola Lei 15/2014, do 16 de setembro (BOE núm. 226, do 17 de setembro).
A Coruña, 20 de xullo de 2016
P.A. (Artigo 19.3, Decreto 41/2013, do 21 de febreiro)
Marta Gil Pérez
Xefa do Servizo de Xestión da Coruña
ANEXO
Nº de expediente: 2016127TA-CO.
Interesada: Oro, Incienso y Mirra, Restauración S.L. (Café Royale Coruña).
DNI/NIF/CIF: B70190418.
Último enderezo coñecido: Centro Comercial Puerto Ocio Los Cantones Village, local B-01-C, avenida do Porto, 3-5, 15003 A Coruña.
Feito imputado: infracción da lexislación aplicable en materia sanitaria.
