Procedemento ordinario 856/2011-3
Sobre: outras materias
Demandantes: Mercedes Taboada Martínez, María Taboada Martínez
Procurador: Domingo Núñez Blanco
Avogado: Fernando Viqueira Nouche
Demandada: María Martínez Domínguez
Mª Manuela García Jalon de la Lama, secretaria xudicial do Xulgado de Primeira Instancia número 5 de Santiago de Compostela, polo presente, anuncio:
No presente procedemento de xuízo ordinario 856/2011-3, seguido por instancia de Mercedes Taboada Martínez e María Taboada Martínez, representadas polo procurador Domingo Núñez Blanco, fronte a María Martínez Domínguez, ditouse sentenza cuxo teor literal é o seguinte:
«Sentenza.
Santiago de Compostela, 11 de febreiro de 2014.
Vistos por Jorge Cid Carballo, maxistrado xuíz do Xulgado de Primeira Instancia número 5 de Santiago de Compostela, os presentes autos de xuízo ordinario seguidos neste xulgado co número 856/2011-3, por instancia de Mercedes e Mª Victoria Taboada Martínez, representadas polo procurador Domingo Núñez Blanco e defendidas polo letrado Fernando Viqueira Nouche, sendo parte demandada María Martínez Domínguez, sobre declarativa de dominio.
Decisión:
Estimando a demanda interposta polo procurador Domingo Núñez Blanco, en nome e representación de Mercedes Taboada Martínez e María Victoria Taboada Martínez, contra María Martínez Domínguez, debo declarar e declaro que a parcela número 1.112 da zona de concentración parcelaria de San Martiño de Aríns, descrita no feito primeiro da demanda, é propiedade en pleno dominio de Mercedes Taboada Martínez; que a parcela número 425 da zona de concentración parcelaria de San Martiño de Aríns no feito primeiro da demanda é propiedade en pleno dominio de María Victoria Taboada Martínez, e que a parcela número 13 da zona de concentración parcelaria de San Martiño de Aríns no mesmo feito primeiro da demanda é propiedade, pro indiviso, de Mercedes Taboada Martínez e de María Victoria Taboada Martínez. Todo iso sen facer expresa imposición de custas.
Esta sentenza non é firme, contra ela pode interporse recurso de apelación, ante a Audiencia Provincial, neste mesmo xulgado, no prazo de vinte días contados a partir do seguinte ao da súa notificación, por escrito, con sinatura de letrado e procurador, na forma prevista no artigo 458 da LAC.
Unha vez que sexa firme a presente sentenza, expídase mandamento para a inscrición dos terreos a favor das demandantes no Rexistro da Propiedade de Santiago de Compostela.
Advírtase a ambas as dúas partes que se desexan formular recurso de apelación deberán acreditar, co escrito de interposición do recurso, a constitución de depósito na conta de depósitos e consignacións do xulgado de acordo co establecido na disposición adicional décimo quinta da LOPX e polo importe previsto en tal norma, e apercíbeselles que a non constitución do depósito suporá a inadmisión a trámite do recurso.
Expídase e únase certificación desta resolución ás actuacións, con inclusión do orixinal no libro de sentenzas.
Así, por esta a miña sentenza, definitivamente xulgando nesta instancia, pronúncioo, mándoo e asínoo».
E encontrándose a dita demandada, María Martínez Domínguez, en paradoiro descoñecido, expídese o presente edicto co fin de que sirva de notificación en forma a esta.
Santiago de Compostela, 13 de febreiro de 2014
A secretaria xudicial