DOG 158 do 23/08/2016 - RESOLUCIÓN do 17 de agosto de 2016 pola que se anuncia a contratación, por procedemento aberto, non suxeito a regulación harmonizada, con tramitación urxente, documentalmente simplificada, do servizo para a realización dunha campaña de publicidade para a promoción do Programa de desenvolvemento rural de Galicia 2014-2020, cofinanciado con cargo ao Fondo Europeo Agrícola de Desenvolvemento Rural (Feader) (expediente 38/2016).

VI. Anuncios

a) Administración autonómica

Consellería do Medio Rural

RESOLUCIÓN do 17 de agosto de 2016 pola que se anuncia a contratación, por procedemento aberto, non suxeito a regulación harmonizada, con tramitación urxente, documentalmente simplificada, do servizo para a realización dunha campaña de publicidade para a promoción do Programa de desenvolvemento rural de Galicia 2014-2020, cofinanciado con cargo ao Fondo Europeo Agrícola de Desenvolvemento Rural (Feader) (expediente 38/2016).

1. Entidade adxudicadora.

a) Organismo: Consellería do Medio Rural.

b) Dependencia que tramita o expediente: Servizo de Contratación.

2. Obxecto do contrato.

a) Tipo: contrato administrativo de servizo.

b) Descrición do obxecto: definir a estratexia de medios e soportes para desenvolver unha campaña publicitaria que informe a sociedade galega respecto das posibilidades do Programa de desenvolvemento rural de Galicia 2014-2020.

c) División por lotes e número: non leva.

d) Prazo de execución: o prazo comezará o día seguinte ao da sinatura do contrato. A campaña terá unha duración de 4 ou 5 semanas e finalizará, preferentemente, antes do 30 de novembro.

e) Admisión de prórroga: non.

f) CPV: 79341000-6.

3. Tramitación e procedemento de adxudicación: urxente e aberto non suxeito a regulación harmonizada, documentalmente simplificado.

Criterios de adxudicación: recollidos no prego de cláusulas administrativas particulares (de xuízo de valor e automáticos).

4. Orzamento de licitación.

Importe neto: 208.000,00 €; IVE: 43.680,00 €. Importe total: 251.680,00 €.

Valor estimado: 208.000,00 €.

5. Financiamento: cofinanciado con fondos Feader nun 75 %. Medida 20 Asistencia técnica do Programa de desenvolvemento rural de Galicia 2014-2020, nun 7,50 %, con fondos do Ministerio de Agricultura, Alimentación y Medio Ambiente (Magrama) e nun 17,50 % con fondos da Xunta de Galicia.

6. Requisitos específicos do contratista.

a) Clasificación: non se exixe.

b) Solvencia económica e financeira e solvencia técnica e profesional: segundo as letras J e K da folla de especificacións.

Exento de acreditar a solvencia se presenta clasificación no grupo T, subgrupo 1, categoría B (ou grupo T, subgrupo 1, categoría 2, se a obtivo despois da entrada en vigor do Real decreto 773/2015).

7. Garantías exixidas: 5 % do orzamento de licitación (IVE excluído), é dicir: 10.400 €.

8. Obtención de documentación e información.

a) Entidade: Secretaría Xeral Técnica da Consellería do Medio Rural. Servizo de Contratación.

b) Domicilio: edificio posterior dereito nº 4, San Caetano, s/n, planta baixa, Santiago de Compostela.

c) Teléfonos: 981 54 57 37/981 54 57 48 (consultas administrativas); 881 99 72 71 (consultas técnicas).

d) Telefax: 981 54 40 47.

e) Correo electrónico: licitacion.mediorural@xunta.gal

f) Data límite de obtención de documentos e información: ata a data límite de presentación das ofertas, todos os días laborables, excepto sábados, das 9.00 ás 14.00 horas.

Tamén se poderán obter os pregos relativos a esta contratación a través da internet no enderezo: http://www.contratosdegalicia.es/resultado.jsp?N=59222

9. Presentación das ofertas.

a) Data límite de presentación: o prazo de presentación das ofertas empezará o día seguinte ao da publicación deste anuncio no Diario Oficial de Galicia e finalizará aos oito (8) días naturais, a non ser que o último día sexa inhábil, caso en que se prorrogará o prazo ao primeiro día hábil seguinte.

b) Documentación que se deberá presentar: a indicada no prego de cláusulas administrativas particulares.

c) Lugar de presentación: o único rexistro válido será a oficina de Rexistro Único e Información da Xunta de Galicia (Edificio Administrativo de San Caetano, s/n, Santiago de Compostela, 15781) e poderase enviar por correo dentro do prazo de admisión sinalado a este rexistro único. Cando a oferta se envíe por correo certificado dentro do prazo de admisión, o licitador deberá xustificar a data de imposición do envío na oficina de Correos e anunciar a súa remisión ao órgano de contratación no mesmo día, mediante telegrama, burofax ou fax (981 54 40 47), ou ben ao enderezo de correo electrónico arriba sinalado.

d) Prazo durante o cal o licitador estará obrigado a manter a súa oferta: dous (2) meses contados desde a data de apertura das proposicións.

10. Apertura das ofertas.

a) Enderezo: sala de xuntas da Secretaría Xeral Técnica da Consellería do Medio Rural.

b) Localidade e código postal: Santiago de Compostela, 15781.

c) Datas e horas: a apertura do sobre B terá lugar, en acto público, as 12.00 horas do oitavo día hábil seguinte ao da finalización do prazo de presentación das ofertas, a non ser que fose sábado, caso en que se prorrogará o prazo ao primeiro día hábil seguinte.

11. Gastos de publicidade: serán por conta do adxudicatario.

Santiago de Compostela, 17 de agosto de 2016

Ángeles Vázquez Mejuto
Conselleira do Medio Rural