En cumprimento do disposto no artigo 13.3 do Real decreto 416/2015, do 29 de maio, sobre depósito de estatutos das organizacións sindicais e empresariais, e para os efectos previstos nel, faise público que na oficina pública de depósito de estatutos das organizacións sindicais e empresariais foi presentada certificación expedida pola secretaria María Estévez Reigada co consentimento do presidente, José Sacarrera Malvar, da Asemblea Xeral Extraordinaria da Asociación Galega de Empresas de Servizos Profesionais para Eventos (Agase), que tivo lugar o 7 de xuño de 2016, onde se reflicte a modificación dos estatutos da dita organización.

– Ámbito territorial: Comunidade Autónoma de Galicia.

– Ambito profesional: empresarios dedicados ao aluguer de maquinaria, equipos técnicos, bens e deseño, produción, certificación e prestación de servizos técnicos de espectáculos e eventos da Comunidade Autónoma galega.

Asinantes: María Estévez Reigada (secretaria), José Sacarrera Malvar (presidente).

Santiago de Compostela, 2 de agosto de 2016

Covadonga Toca Carús
Secretaria xeral de Emprego