A Orde da Consellería do Medio Rural do 28 de decembro de 2015 (DOG núm. 248, do 30 de decembro) establece as bases reguladoras das axudas para a reforestación e para a creación de superficies forestais, cofinanciadas polo Fondo Europeo Agrícola de Desenvolvemento Rural (Feader) no marco do Programa de desenvolvemento rural (PDR) de Galicia 2014-2020, e convócaas para o ano 2016.
No artigo 21 da citada orde detállase a aplicación orzamentaria e o importe económico previsto para o ano 2016 para o financiamento da dita orde, do seguinte xeito: 2.500.000,00 € para o ano 2016 na aplicación orzamentaria 13.02.713B.770.0.
A Consellería do Medio Rural publicou a Orde do 16 de maio de 2016 pola que se amplía a dotación orzamentaria para a concesión das axudas da Orde do 28 de decembro de 2015 pola que se establecen as bases reguladoras das axudas para a reforestación e para a creación de superficies forestais, cofinanciadas polo Fondo Europeo Agrícola de Desenvolvemento Rural (Feader) no marco do Programa de desenvolvemento rural (PDR) de Galicia 2014-2020, pola que se ampliou a dotación orzamentaria da orde en 2.500.000,00 €.
Tendo en conta a ampliación orzamentaria, as especiais circunstancias que dificultaron a tramitación destas axudas, a singularidade dos traballos forestais, a dificultade de execución en época de máximo risco de incendio forestal e a dificultade de axustar o tempus forestal co tempus administrativo, faise necesario para facer máis racional e factible a concesión modificar unha das condicións da convocatoria. Así mesmo, cómpre establecer o procedemento de pagamento á conta referido na Lei 9/2007 e no Decreto 11/2009, respectivamente.
En consecuencia, de acordo co disposto no artigo 30.I.1 do Estatuto de autonomía de Galicia e en uso das competencias que me confire a Lei 1/1983, do 22 de febreiro, de normas reguladoras da Xunta de Galicia e da súa Presidencia,
DISPOÑO:
Artigo único. Modifícanse os artigos 17, 18 e 21 da Orde do 28 de decembro de 2015 pola que se establecen as bases reguladoras das axudas para a reforestación e para a creación de superficies forestais, cofinanciadas polo Fondo Europeo Agrícola de Desenvolvemento Rural (Feader) no marco do Programa de desenvolvemento rural (PDR) de Galicia 2014-2020, e se convocan para o ano 2016, que queda redactado como segue:
Artigo 17.1. «Na resolución de concesión indicarase o prazo para a execución dos traballos que, con carácter xeral, non será inferior a 2 meses. A data límite de xustificación da subvención será o 30 de decembro para a anualidade de 2016 e o 15 de xuño para a anualidade de 2017».
Artigo 18.1. «A data límite de xustificación dos traballos será o 30 de decembro para a anualidade de 2016 e o 15 de xuño para a anualidade de 2017».
Engádese un novo punto ao artigo 18 co número 3, que queda redactado como segue:
18.3. «Poderán realizarse pagamentos á conta que se aboarán por contía equivalente á xustificación presentada.
a) De acordo co suposto previsto no artigo 65 do Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia, os beneficiarios destas axudas cun importe subvencionado superior aos 18.000,00 € deberán constituír unha garantía bancaria ou unha garantía equivalente que corresponda ao 110 % do importe do pagamento á conta.
b) A dita garantía liberarase cando a Dirección Xeral de Ordenación e Produción Forestal comprobe que o beneficiario cumpre todos os requisitos exixidos na convocatoria para o pagamento da axuda e o importe dos gastos considerados finalmente como elixibles supera o importe do pagamento á conta».
Artigo 21.1. «As accións previstas nesta orde financiaranse do seguinte xeito:
• Ano 2016: con cargo á aplicación orzamentaria 13.02.713B.770.0. por un importe de 500.000,00 €.
• Ano 2017: con cargo á aplicación orzamentaria 13.02.713B.770.0. por un importe de 4.500.000,00 €».
Artigo 21.2. «Este orzamento pode verse incrementado con remanentes adicionais, de acordo coas dispoñibilidades de crédito. En todo caso, as concesións limitaranse ás dispoñibilidades orzamentarias. No suposto de procederse á dita ampliación, terase en conta o disposto no artigo 31 da Lei 9/2007, do 13 de xuño, de subvencións de Galicia».
Disposición derradeira única
A presente orde producirá efectos a partir do día seguinte ao da súa publicación no Diario Oficial de Galicia.
Santiago de Compostela, 22 de agosto de 2016
Ángeles Vázquez Mejuto
Conselleira do Medio Rural