1. Entidade adxudicadora: datos xerais e datos para a obtención da información:
a) Organismo: Consellería de Política Social.
b) Dependencia que tramita o expediente: Dirección Xeral de Maiores e Persoas con Discapacidade.
c) Obtención da documentación e información:
1º. Dependencia: Subdirección Xeral de Recursos Económicos.
2º. Enderezo: Edificio Administrativo San Caetano, s/n, 15781 Santiago de Compostela.
3º. Teléfono: 981 54 56 50/981 54 69 87.
4º. Fax: 981 54 56 63.
5º. Correo electrónico: xestion.politicasocial@xunta.gal
6º. Páxina web: http://www.contratosdegalicia.es
7º. Data límite para a obtención de documentación e información: o último día de presentación de proposicións.
d) Número de expediente: PA 30/2016.
2. Obxecto do contrato:
a) Tipo: servizos.
b) Descrición: deseñar, planificar e impartir un programa formativo en materia de carteiras de servizos sociais, no ámbito da dependencia e da autonomía persoal, destinado a persoas traballadoras do terceiro sector de acción social.
c) División por lotes e número de lotes/número de unidades: non.
d) Lugar de execución/entrega: centros residenciais e de atención diúrna de atención a persoas maiores e persoas con discapacidade.
e) Prazo de execución/entrega: 28 meses desde a sinatura do contrato.
f) Admisión de prórroga: non.
g) CPV (referencia nomenclatura): 80500000-9 Servizos de formación.
3. Tramitación e procedemento:
a) Tramitación: ordinaria, documentalmente simplificada.
b) Procedemento: aberto non suxeito a regulación harmonizada.
c) Criterios de adxudicación: ver a cláusula 5.2 do prego de cláusulas administrativas particulares (PCAP).
4. Valor estimado do contrato: catrocentos oitenta e sete mil setecentos sesenta euros (487.760 €).
5. Orzamento base de licitación:
a) O orzamento da licitación ascende á cantidade de catrocentos oitenta e sete mil setecentos sesenta euros (487.760 €), ao que se lle engaden cento dous mil catrocentos vinte e nove euros con sesenta céntimos de euro (102.429,60 €) que corresponden ao IVE (21 %), polo que o importe total do expediente de gasto é de cincocentos noventa mil cento oitenta e nove euros con sesenta céntimos de euro (590.189,60 €).
6. Garantías exixidas:
a) Provisional: non.
b) Definitiva: 5 % do orzamento base de licitación do contrato, IVE excluído.
7. Requisitos específicos do contratista:
a) Solvencia económica e financeira e solvencia técnica ou profesional: ver a cláusula 5.4.7 do PCAP.
8. Presentación de ofertas:
a) Data límite de presentación: o prazo de presentación de ofertas comezará ao día seguinte ao da publicación deste anuncio no Diario Oficial de Galicia e finalizará aos quince días naturais, a non ser que o último día sexa inhábil, caso no que se prorrogará o prazo ao primeiro día hábil seguinte.
b) Lugar de presentación: Rexistro Xeral e Información á Cidadanía da Xunta de Galicia (enderezo: Edificio Administrativo San Caetano, s/n, 15781 Santiago de Compostela). Sen prexuízo do anterior, os licitadores poderán enviar as súas proposicións por correo segundo o establecido no PCAP.
c) Admisión de variantes: non.
9. Apertura de ofertas:
a) Descrición:
Apertura dos sobres A: acto non público, cualificación da documentación xeral administrativa.
Apertura dos sobres B: acto público, apertura da documentación non avaliable mediante fórmulas.
Apertura dos sobres C: acto público, apertura da documentación avaliable mediante fórmulas.
b) Enderezo: Edificio Administrativo San Caetano, s/n, 15781 Santiago de Compostela.
c) Data e hora: indicarase na plataforma de contratación da Xunta de Galicia a data, a hora e o lugar de apertura dos sobres A, B e C.
10. Gastos de publicidade: 5,42 € por liña publicada no Diario Oficial de Galicia, que serán por conta do adxudicatario.
11. Información adicional: os pregos pódense obter na páxina:
http://www.contratosdegalicia.es/resultado.jsp?N=50667
Santiago de Compostela, 5 de agosto de 2016
O conselleiro de Política Social
P.D. (Orde do 3.3.2016)
Francisco Javier Abad Pardo
Secretario xeral técnico da Consellería de Política Social
