Para os efectos previstos na Lei 24/2013, do 26 de decembro, do sector eléctrico, e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización da instalación eléctrica que se describe:

Solicitante: Sociedad Electricista de Tui, S.A.

Domicilio social: A Coruña, 20, 36700 Tui.

Denominación: ampliación de potencia CT Pabellón Nuevo.

Situación: Tui.

Descricións técnicas: ampliación de potencia do centro de transformación Pabellón Nuevo, situado na rúa transversal a Canónigo Valiño, Tui, cun novo transformador de 200 kVA, con RT 20 kV/400 V, co que a instalación queda cunha potencia total de 600 kVA (400 + 200 kVA).

Todas aquelas persoas ou entidades que se consideren afectadas poderán presentar as súas alegacións nesta xefatura territorial, Ed. Administrativo, avda. Fernández Ladreda, 43, 5º, no prazo de vinte días. Así mesmo, e durante o mencionado prazo, tamén se poderá examinar o proxecto da instalación.

Pontevedra, 7 de xuño de 2016

Ignacio Rial Santomé
Xefe territorial de Pontevedra