Visto os expedientes instruídos para os efectos de transmisión das bateas Egipto III e Sodi I e das concesións administrativas que os amparan, resulta:
a) Antecedentes.
Primeiro. Mediante escrito do 19 de maio de 2016, Divina Encarnación Torrado Silva solicita autorización para a transmisión mediante pacto de mellora co seu descendente de 1/3 das concesións administrativas e das bateas Egipto III e Sodi I.
Segundo. A interesada presentou a documentación requirida para a tramitación neste tipo de procedementos.
b) Consideracións legais e técnicas.
Primeiro. Este órgano é competente para resolver o expediente de conformidade coa Lei 11/2008, do 3 de decembro, de pesca de Galicia, modificada pola Lei 6/2009, do 11 de decembro, coa Resolución do 12 de abril de 2012 de delegación de sinatura en materia de acuicultura nos titulares das xefaturas de coordinación da Área do Mar da Consellería do Medio Rural e do Mar, e coa disposición adicional sexta do Decreto 129/2015, do 8 de outubro, polo que se fixa a estrutura orgánica das consellerías da Xunta de Galicia, que dispón que as delegacións de competencias outorgadas polos distintos órganos superiores e de dirección afectados por este decreto continuarán vixentes ata que sexan expresamente revogadas ou novamente outorgadas. Así mesmo, o Decreto 168/2015, do 13 de novembro, polo que se aproba a estrutura orgánica da Consellería do Mar, dispón a creación das xefaturas territoriais.
Segundo. A Lei 2/2006, do 14 de xuño, de dereito civil de Galicia, nos seus artigos 209 e seguintes, regula os pactos sucesorios como negocios mortis causa, e con forma de pactos de apartación ou de pacto de mellora.
Terceiro. O expediente seguiu todos os trámites establecidos no procedemento administrativo común, coas especialidades previstas no Decreto 406/1996, do 7 de novembro, pola que se aproba o Regulamento de viveiros de cultivos mariños nas augas de Galicia, e na Orde do 15 de xuño de 1999 pola que se regula o procedemento para a transmisión da titularidade das concesións das bateas de cultivos mariños nas augas de Galicia.
Vistas as disposicións citadas, a proposta de resolución elaborada polo Servizo de Recursos Mariños, o artigo 89 da Lei 30/1992, do 26 de novembro, modificada pola Lei 4/1999, do 13 de xaneiro, de réxime xurídico das administracións públicas e do procedemento administrativo común, e demais normas de xeral e pertinente aplicación, esta consellería resolve:
Autorizar a transmisión mortis causa, a favor de José Antonio Pazos Torrado (52931194Y), de 1/3 das concesións administrativas e das bateas que se indican a seguir:
Identificación:
Tipo: batea.
Nome: Egipto III.
Localización:
Cuadrícula nº: 105.
Polígono: D.
Distrito: Caramiñal (A Coruña).
Especies autorizadas: mexillón (Mytilus galloprovincialis)
Título habilitante: concesión.
Orde de outorgamento: 29.2.1964.
Remate da vixencia: 15.12.2019.
Antigos titulares: José Torrado Silva (33228921Q), 1/3 privativo, Bernardo Torrado Silva (52454837W), 1/3 privativo, e Divina Encarnación Torrado Silva (76513510P), 1/3 privativo.
Novos titulares: José Torrado Silva (33228921Q), 1/3 privativo, Bernardo Torrado Silva (52454837W), 1/3 privativo, e José Antonio Pazos Torrado (52931194Y), 1/3 privativo.
Identificación:
Tipo: batea.
Nome: Sodi I.
Localización:
Cuadrícula nº: 20.
Polígono: C.
Distrito: Caramiñal (A Coruña).
Especies autorizadas: mexillón (Mytilus galloprovincialis).
Título habilitante: concesión.
Orde de outorgamento: 11.3.1964.
Remate da vixencia: 15.12.2019.
Antigos titulares: José Torrado Silva (33228921Q), 1/3 privativo, Bernardo Torrado Silva (52454837W), 1/3 privativo, e Divina Encarnación Torrado Silva (76513510P), 1/3 privativo.
Novos titulares: José Torrado Silva (33228921Q), 1/3 privativo, Bernardo Torrado Silva (52454837W),1/3 privativo, e José Antonio Pazos Torrado (52931194Y), 1/3 privativo.
Os novos titulares das concesións administrativas quedan subrogadas nos dereitos e obrigas dos anteriores.
Contra esta resolución, que esgota a vía administrativa, poderase interpoñer recurso potestativo de reposición no prazo dun mes ante a conselleira do Mar, ou recurso contencioso-administrativo, ante a xurisdición contencioso-administrativa, no prazo de dous meses, contados en ambos os dous casos desde o día seguinte ao da súa notificación, de conformidade co disposto no artigo 116 da Lei 30/1992, do 26 de novembro, modificada pola Lei 4/1999, do 13 de xaneiro, de réxime xurídico das administracións públicas e do procedemento administrativo común, e no artigo 46.1 da Lei 29/1998, do 13 de xullo, reguladora da xurisdición contencioso-administrativa.
A Coruña, 30 de agosto de 2016
A conselleira do Mar
P.D. (Resolución do 12.4.2012)
Juan Carlos Barreiro González
Xefe territorial da Coruña
