Eu, María Adelaida Egurbide Margañón, letrada da Administración de xustiza do Xulgado do Social número 2 da Coruña, fago saber que no procedemento ordinario 271/2014 deste xulgado do social, seguido por instancia de Aarón Fuentes Romero contra a empresa Contratos y Suministros Dexo, S.L., Gescom Marketing, S.L. e Fogasa, sobre reclamación de cantidade, se ditou a resolución que se xunta:

«Sentenza:

A Coruña, 22 de setembro de 2016.

Jorge Hay Alba, maxistrado do Xulgado do Social número 2 da Coruña, tras ver os presentes autos seguidos neste xulgado co número 271/2014, en que foron parte, dun lado como demandante, Aarón Fuentes Romero, asistido pola letrada Sonia González Valcarce e, como demandados, Contratos y Suministros Dexo, S.L., Gescom Marketing, S.L. e Fogasa, que non compareceron, sobre reclamación de cantidade, pronunciou, no nome de o rei, a seguinte sentenza:

Antecedentes de feito.

Primeiro. A parte demandante presentou demanda que por quenda lle correspondeu a este Xulgado do Social número 2 da Coruña, na cal, tras expor os feitos e alegar os fundamentos de dereito que considerou pertinentes, terminaba suplicando que se ditase sentenza conforme o pedido.

Segundo. Admitida a trámite a demanda, sinalouse a celebración do acto de xuízo, que tivo lugar na data sinalada en todas as súas fases, co resultado que consta na acta redactada para o efecto e que quedou debidamente gravado no correspondente soporte CD. Unha vez concluído o acto do xuízo, quedaron os autos vistos para ditar sentenza.

Terceiro. Na tramitación dos presentes autos observáronse as normas legais de procedemento.

Resolvo:

Que, estimando a demanda interposta polo demandante Aarón Fuentes Romero, con citación do Fogasa, debo condenar e condeno a empresa Gescom Marketing, S.L. a que aboe ao demandante a cantidade de 3.355,79 euros polos conceptos reclamados en demanda, máis os xuros correspondentes.

Apróbase a desistencia respecto da entidade Contratos y Suministros Dexo, S.L.

Notifíquese esta resolución ás partes, ás cales se lles fará saber que contra ela só cabe recurso de suplicación ante o Tribunal Superior de Xustiza de Galicia, que se deberá anunciar ante este xulgado no prazo de cinco días contado a partir da notificación desta sentenza e, no mesmo termo, se o recorrente non goza do beneficio de xustiza gratuíta deberá, ao anunciar o recurso, entregar xustificante acreditativo de ter consignado a cantidade obxecto de condena na conta de depósitos e consignacións que este xulgado ten aberta no Banco de Santander desta cidade.

E igualmente deberá, no momento de interpor o recurso, consignar a suma de 300 euros en concepto de depósito especial para recorrer.

Así, por esta miña sentenza, definitivamente xulgando, pronúncioo, mándoo e asínoo».

E para que sirva de notificación en legal forma a Gescom Marketing, S.L., en ignorado paradoiro, expido este edicto para a súa inserción no Diario Oficial de Galicia.

Advírtese o destinatario de que as seguintes comunicacións se farán fixando copia da resolución ou da cédula no taboleiro de anuncios da oficina xudicial, agás no suposto da comunicación das resolucións que sexan autos ou sentenzas, ou cando se trate de emprazamento.

A Coruña, 26 de setembro de 2016

A letrada da Administración de xustiza