Para os efectos previstos na Lei 16/2002, do 1 de xullo, de prevención e control integrados da contaminación (BOE núm. 157, do 2 de xullo), faise público que por espazo de trinta (30) días hábiles, contados a partir do seguinte ao da publicación deste anuncio no Diario Oficial de Galicia, quedará exposto o documento titulado:
– Proxecto básico para a solicitude da autorización ambiental integrada da fábrica de pensos compostos de Piensos Nanfor, S.A. en Begonte (Lugo), xullo 2016. Ed.2.
Para que calquera interesado poida consultalo e, se é o caso, formular no dito prazo as alegacións, suxestións ou observacións que xulgue convenientes. O documento estará á disposición dos administrados, en horario de atención ao público, nas seguintes dependencias:
– Secretaría Xeral de Calidade e Avaliación Ambiental-Servizo de Prevención e Control Integrados da Contaminación (rúa de San Lázaro, s/n, 15781 Santiago de Compostela)
Ademais poderán consultalo na páxina web da Consellería de Medio Ambiente e Ordenación do Territorio (http://www.cmati.xunta.es/ >>medio ambiente e sostibilidade >>prevención e control de actividades >>autorización ambiental integrada >>proxectos en información pública).
Santiago de Compostela, 20 de setembro de 2016
Justo de Benito Basanta
Secretario xeral de Calidade e Avaliación Ambiental
ANEXO
Memoria resumo
Clave do expediente: 2015-IPPC-I-99.
Peticionaria: Piensos Nanfor, S.A.
Domicilio social e localización da instalación: estrada N-VI, km 517,7, Santo Estevo de Uriz, 27373 Begonte (Lugo).
Actividade: fábrica de pensos compostos para a alimentación animal.
Descrición do proxecto: consiste en ampliar a planta cunha nova granuladora. Deste xeito, ante un posible cambio no mix de produción e coa incorporación de novas materias primas, a capacidade de produción de produto acabado pasará das 293 t/día ás 400 t/día.
Verteduras: as verteduras proceden das augas sanitarias, purgas da caldeira e augas pluviais de escorremento interior.