DOG 220 do 17/11/2016 - RESOLUCIÓN do 26 de outubro de 2016 pola que se declara a desistencia do procedemento aberto para a contratación dun servizo para a execución e implementación dunha campaña de promoción dos viños galegos en Alemaña durante os anos 2016 e 2017 (PA 4/16).

VI. Anuncios

a) Administración autonómica

Instituto Galego de Promoción Económica

RESOLUCIÓN do 26 de outubro de 2016 pola que se declara a desistencia do procedemento aberto para a contratación dun servizo para a execución e implementación dunha campaña de promoción dos viños galegos en Alemaña durante os anos 2016 e 2017 (PA 4/16).

Mediante Resolución do 23 de setembro de 2016 aprobouse a contratación dun servizo para a execución e implementación dunha campaña de promoción dos viños galegos en Alemaña durante os anos 2016 e 2017, mediante procedemento aberto, suxeito a regulación harmonizada e tramitación ordinaria (expediente PA 4/16), xunto cos pregos que a rexen. Publicouse no DOUE do 8 de outubro, no BOE do 11 de outubro e no DOG do 20 de outubro de 2016.

Advertidos erros nos pregos que rexen a contratación, reconsidérase a contratación e ao abeiro do artigo 155.4 do Real decreto lexislativo 3/2011, do 14 de novembro, e en virtude da delegación de facultades ao meu favor conferidas polo Acordo do Consello de Dirección do Igape do 29 de marzo de 2012 (DOG núm. 78, do 24 de abril), desístese do procedemento.

Santiago de Compostela, 26 de outubro de 2016

Javier Aguilera Navarro
Director xeral do Instituto Galego de Promoción Económica