O plan de estudos da titulación de grao en Educación Infantil pola Universidade de Vigo foi publicado no Boletín Oficial del Estado do 3 de novembro de 2010 e modificado no do 11 de xaneiro de 2013, unha vez establecido o carácter oficial do título por Acordo do Consello de Ministros do 30 de outubro de 2009, publicado mediante Resolución da Secretaría Xeral de Universidades do 13 de novembro de 2009 (BOE do 5 de xaneiro de 2010).
De conformidade co que dispón o artigo 28 do Real decreto 1393/2007, do 29 de outubro, modificado polo Real decreto 861/2010, do 2 de xullo, polo que se establece o procedemento para a modificación de plans de estudo xa verificados, e tras obter o informe favorable da Axencia para a Calidade do Sistema Universitario de Galicia á solicitude da Universidade de Vigo de modificación do plan de estudos da titulación de grao en Educación Infantil, este reitoría
RESOLVE:
Publicar a modificación do plan de estudos conducente á obtención do título universitario oficial de graduado ou graduada en Educación Infantil pola Universidade de Vigo que se recolle no anexo desta resolución.
Vigo, 4 de novembro de 2016
Salustiano Mato de la Iglesia
Reitor da Universidade de Vigo
ANEXO
Resolución do 4 de novembro de 2016 pola que se publica
o plan de estudos de grao en Educación Infantil
Denominación do título: graduado ou graduada en Educación Infantil pola Universidade de Vigo.
Código da titulación:
O05G110 (Facultade de Ciencias da Educación. Campus de Ourense).
P02G110 (Facultade de Ciencias da Educación e do Deporte. Campus de Pontevedra).
V51G110 (Escola Universitaria de Profesorado de Educación Xeral Básica María Sedes Sapientiae. Centro adscrito. Campus de Vigo).
Os cursos primeiro, segundo e terceiro teñen a mesma organización temporal do plan de estudos publicado por Resolución do 15 de outubro de 2010 (BOE do 3 de novembro).
De conformidade coa modificación do plan de estudos da titulación de grao en Educación Infantil pola Universidade de Vigo, esta reitoría procede á modificación da publicación no senso seguinte:
1. A partir do curso 2013/14 a materia de didáctica da relixión católica elimínase da mención de afondamento curricular e non estará asignada a ningunha mención.
2. Engadir as seguintes mencións:
Mención: Linguas Estranxeiras. Campus de Ourense
Idioma estranxeiro II |
OP |
6 |
Lingua estranxeira a través das novas tecnoloxías |
OP |
6 |
Situacións de comunicación en lingua estranxeira |
OP |
6 |
Lingua estranxeira a través da literatura infantil ou xuvenil |
OP |
6 |
Didáctica da lingua estranxeira |
OP |
6 |
Optatividade: para escoller un total de catro (24 ECTS) dunha oferta de cinco materias (30 ECTS).
Mención: Educación Musical. Campus de Pontevedra
Agrupacións instrumentais para a escola |
OP |
6 |
Novas tecnoloxías para a educación musical na escola |
OP |
6 |
Técnica vocal e práctica coral |
OP |
6 |
Música nas culturas |
OP |
6 |
Expresión corporal e danza |
OP |
6 |
Optatividade: para escoller un total de catro (24 ECTS) dunha oferta de cinco materias (30 ECTS).
Mención: Audición e Linguaxe. Campus de Vigo
Desenvolvemento da linguaxe |
OP |
6 |
Psicopatoloxía da audición e da linguaxe |
OP |
6 |
Proceso lectoescritor: desenvolvemento, alteracións, avaliación e tratamento |
OP |
6 |
Recursos didácticos na aula de audición e linguaxe |
OP |
6 |
Prevención e intervención nas alteracións comunicativo-lingüísticas |
OP |
6 |
Optatividade: para escoller un total de catro (24 ECTS) dunha oferta de cinco materias (30 ECTS).
A temporalidade das materias poderá, por circunstancias excepcionais, sufrir modificacións, sempre que o autorice a vicerreitoría con competencias en organización académica e con anterioridade ao inicio do curso académico.