En cumprimento do disposto no artigo 13.3 do Real decreto 416/2015, do 29 de maio, sobre depósito de estatutos das organizacións sindicais e empresariais, e para os efectos previstos nel, faise público que na Oficina Pública de Depósito de Estatutos das Organizacións Sindicais e Empresariais se acordou depositar con data do 8.11.2016 a modificación dos artigos 1 (constitución, denominación), 4.k) (fins), 7.a) e b) (membros), 14.2.h) (Asemblea Xeral), 20.1 (Xunta Directiva) e 30 (modificación de estatutos) dos estatutos da Asociación de Empresarios de Materiales para la Construcción (Asemaco) da Comunidade Autónoma de Galicia.
– Ámbito territorial: Comunidade Autónoma de Galicia.
– Ámbito profesional: poden ser membros as empresas ou empresarios con traballadores ao seu cargo, segundo o establecido no artigo 1 do Real decreto 416/2015, e terán dereito como empresas asociadas a asistir á asemblea xeral con voz e voto, por si mesmos, pola persoa do seu representante legal ou por calquera outro membro asociado provisto de mandato escrito con carácter especial para cada sesión, a condición de que actúen dentro do cumprimento dos seus deberes e estean ao día no pagamento das súas cotas asociativas.
– Asinantes: Agustín Moreira Graciá (presidente) e Antonio Castelo Silveira (secretario).
Santiago de Compostela, 8 de novembro de 2016
Covadonga Toca Carús
Secretaria xeral de Emprego