O 23 de maio de 2016 o director xeral de Administración Local dita resolución pola que se publica a convocatoria para a provisión, polo sistema de libre designación, do posto de traballo de tesoureiro xeral do Concello da Coruña, entre funcionarios con habilitación de carácter nacional. Esta resolución é obxecto de publicación no Diario Oficial de Galicia do 28 de xuño, núm. 121.
O 5 de outubro de 2016 recíbese na Dirección Xeral de Administración Local escrito do Concello da Coruña onde se indica que a Xunta de Goberno Local en sesión do 30 de setembro de 2016 adoptou o seguinte acordo:
«Deixar sen efecto a convocatoria para a provisión polo sistema de libre designación do posto de tesoureiro xeral, aprobada polos acordos da Xunta de Goberno Local do 26 de febreiro e do 22 de abril de 2016, publicada no Diario Oficial de Galicia núm. 121, do 28 de xuño.
Este acordo remitirase á Dirección Xeral de Administración Local da Xunta de Galicia para que proceda a súa publicación no Diario Oficial de Galicia».
Así, de conformidade co disposto nos artigos 27 e 28 do Real decreto 1732/1994, do 29 de xullo, de provisión de postos de traballo reservados a funcionarios con habilitación de carácter nacional, modificado polo Real decreto 834/2003, do 27 de xuño, e demais normativa concordante de aplicación e no uso das facultades que lle confire o artigo 15.e) da Lei do emprego público de Galicia, en relación co artigo 241 da Lei 5/1997, do 22 de xullo, de Administración local de Galicia, e a Orde do 14 de maio de 2013 sobre delegación de competencias, corresponde á Dirección Xeral de Administración Local a sinatura da presente resolución, ben que, ao estar vacante, en aplicación da normativa organizativa, a Secretaría Xeral Técnica
RESOLVE:
Primeiro. Dar publicidade ao acordo da Xunta de Goberno Local do Concello da Coruña adoptado en sesión ordinaria do 30 de setembro de 2016 que deixa sen efecto a convocatoria para a provisión polo sistema de libre designación do posto de tesoureiro xeral, aprobada polos acordos da Xunta de Goberno Local do 26 de febreiro e do 22 de abril de 2016, publicada no Diario Oficial de Galicia núm. 121, do 28 de xuño.
Segundo. Esta resolución produce os efectos de abrir o prazo para a presentación dos recursos correspondentes contra o acordo adoptado pola entidade local.
Santiago de Compostela, 18 de outubro de 2016
O/a director/a xeral de Administración Local
P.S. (Artigo 7.e) da Orde do 14.5.2013; DOG nº 92, do 15 de maio)
A secretaria xeral técnica da Consellería de Presidencia,
Administracións Públicas e Xustiza
P.D.S. (Resolución do 7.10.2016)
Nicolás Vázquez Iglesias
Vicesecretario xeral da Consellería de Presidencia,
Administracións Públicas e Xustiza