A Resolución da Axencia Galega de Innovación, do 17 de xuño de 2016 (DOG núm. 138, do 21 de xullo), estableceu as bases reguladoras para a concesión, en réxime de concorrencia competitiva, das subvencións para a creación, posta en marcha e consolidación de unidades mixtas de investigación aliñadas cos retos estratéxicos e prioridades identificados na RIS3 para Galicia, cofinanciadas polo Fondo Europeo de Desenvolvemento Rexional no marco do programa operativo Feder Galicia 2014-2020, e procedeu á súa convocatoria para o ano 2016.
Os artigos 3 e 4 desta resolución de convocatoria establecen os requisitos que deben cumprir, respectivamente, os beneficiarios e as unidades mixtas de investigación para poder optar ás axudas.
Unha vez revisada a documentación dos expedientes, o órgano instrutor formulou proposta de resolución de inadmisión das solicitudes que non cumprían coas exixencias contidas na convocatoria, nas bases reguladoras ou na normativa de subvencións, conforme o establecido no artigo 11.5 das bases reguladoras.
As solicitudes que resultaron admitidas foron obxecto de avaliación conforme os criterios de valoración establecidos no artigo 13 das bases reguladoras.
A comisión de valoración prevista no artigo 12 das bases reguladoras, reunida o 10 de novembro de 2016, elaborou unha proposta de financiamento das solicitudes por orde decrecente da puntuación acadada tendo en conta os informes de valoración emitidos polos expertos.
Así mesmo, a comisión de valoración propuxo a denegación das solicitudes que non acadaron unha puntuación mínima de 60 puntos conforme o disposto no artigo 13 das bases reguladoras.
No artigo 16 da convocatoria regúlase a resolución e notificación destas axudas unha vez que a comisión de valoración seleccione as solicitudes admitidas e emita un informe no cal se concrete o resultado da avaliación efectuada e a contía da axuda proposta, conforme os criterios establecidos nos artigos 13 e 14.
De acordo con isto, e atendendo á proposta elaborada na sesión do 10 de novembro de 2016 pola comisión de valoración,
RESOLVO:
1. Conceder as axudas para a creación, posta en marcha e consolidación das unidades mixtas de investigación que figuran como anexo I a esta resolución por orde decrecente de puntuación, por un importe total de 4.992.665,42 euros, coa seguinte distribución:
Aplicación orzamentaria |
Ano 2016 (€) |
Ano 2017 (€) |
Ano 2018 (€) |
Ano 2019 (€) |
Total (€) |
09.A3.561A.781.0 |
109.956,25 |
2.557.709,17 |
1.200.000,00 |
1.125.000,00 |
4.992.665,42 |
Estas axudas están cofinanciadas no marco do programa operativo Feder Galicia 2014-2020, eixe 1 «Potenciar a investigación, o desenvolvemento tecnolóxico e a innovación», prioridade de inversión 1b «O fomento do investimento empresarial en I+i, o desenvolvemento de vínculos e sinerxías entre as empresas, os centros de investigación e desenvolvemento e o sector do ensino superior, en particular mediante o fomento do investimento no desenvolvemento de produtos e servizos, a transferencia de tecnoloxía, a innovación social, a innovación ecolóxica, as aplicacións de servizo público, o estímulo da demanda, a interconexión en rede, as agrupacións e a innovación aberta a través dunha especialización intelixente, e mediante o apoio á investigación tecnolóxica e aplicada, liñas piloto, accións de validación precoz dos produtos, capacidades de fabricación avanzada e primeira produción, en particular, en tecnoloxías facilitadoras esenciais e difusión de tecnoloxías polivalentes». Obxectivo específico 1.2.3. «Fomento e xeración de coñecemento de fronteira, desenvolvemento de tecnoloxías emerxentes, tecnoloxías facilitadoras esenciais e coñecemento orientado aos retos da sociedade».
O pagamento destas axudas realizarase conforme o establecido no artigo 23 da resolución de convocatoria.
Para a xustificación da subvención deberase presentar a documentación indicada no artigo 22 da convocatoria nos prazos establecidos no punto 2 do citado artigo (modificado pola Resolución do 25 de outubro de 2016, publicada no DOG núm. 207, do 31 de outubro).
2. Denegar a axuda solicitada pola Universidade da Coruña (IN853A-2016/07) por non ter acadado a puntuación mínima de 60 puntos establecida na convocatoria para ser financiable.
Nº de exp. |
Modalidade |
Representante UMI Solicitante |
NIF |
Integrantes UMI |
Denominación UMI |
IN853A-2016/07 |
Nova UMI |
UDC |
Q6550005J |
UDC Emalcsa |
Unidade mixta de investigación UDC-Emalcsa «plataforma Dusa» |
Contra esta resolución, sen prexuízo de que os interesados poidan exercer calquera outro que consideren procedente, poderán interpor recurso de alzada no prazo dun mes desde o día seguinte ao da publicación desta resolución no Diario Oficial de Galicia, ante o presidente da Axencia Galega de Innovación.
Santiago de Compostela, 23 de novembro de 2016
O director da Axencia Galega de Innovación
P.S. (Orde do 8.7.2016; DOG núm. 131, do 12 de julio)
Borja Verea Fraiz
Secretario xeral técnico da Consellería de Economía, Emprego e Industria