A Orde do 20 de xullo de 2016 pola que se establecen as bases reguladoras do Programa para a promoción da integración laboral das persoas con discapacidade en centros especiais de emprego e do Programa de subvencións ás unidades de apoio á actividade profesional no marco dos servizos de axuste persoal e social dos centros especiais de emprego, e se procede á súa convocatoria para o ano 2016 (Diario Oficial de Galicia núm. 153, do 12 de agosto), establece no seu artigo 1.3, no cal se recollen os créditos que financian a orde, que estes importes poderán ser obxecto de modificacións, como consecuencia da asignación ou da redistribución de fondos para o financiamento dos programas de fomento de emprego, coas limitacións que estableza a Conferencia Sectorial de Emprego e Asuntos Laborais.

De conformidade co establecido no artigo 31 do regulamento da Lei 9/2007, do 13 de xuño, de subvencións de Galicia, aprobado polo Decreto 11/2009, do 8 de xaneiro, cando a contía total máxima das subvencións convocadas se distribúa entre distintos créditos orzamentarios, a alteración da dita distribución deberá publicarse no Diario Oficial de Galicia.

En consecuencia, sen superar a contía total máxima destinada a estas subvencións, cómpre modificar a distribución dos créditos orzamentarios destinados ás axudas que poderán ser concedidas ao abeiro do capítulo II da devandita orde (Programa para a promoción da integración laboral das persoas con discapacidade en centros especiais de emprego), coa finalidade de facelas chegar ao maior número de persoas beneficiarias posible.

Por todo o exposto e no uso das facultades que me foron conferidas,

DISPOÑO:

Artigo 1

Modifícase a distribución dos créditos orzamentarios destinados ás axudas que se van conceder ao abeiro do capítulo II da Orde do 20 de xullo de 2016 pola que se establecen as bases reguladoras do Programa para a promoción da integración laboral das persoas con discapacidade en centros especiais de emprego e do Programa de subvencións ás unidades de apoio á actividade profesional no marco dos servizos de axuste persoal e social dos centros especiais de emprego, e se procede á súa convocatoria para o ano 2016, dentro do Programa para a promoción da integración laboral das persoas con discapacidade en centros especiais de emprego.

Sen superar a contía total máxima destinada a estas subvencións, no código de proxecto 2016 00309, minórase en 68.200 euros o importe dos créditos asignados á aplicación orzamentaria 09.40.322C.481.2 e increméntanse no mesmo importe os créditos da aplicación orzamentaria 09.40.322C.470.0.

Artigo 2

Esta modificación non afecta o prazo establecido na referida orde para a presentación de solicitudes.

Disposición derradeira única

Esta orde entrará en vigor o mesmo día da súa publicación no Diario Oficial de Galicia.

Santiago de Compostela, 19 de decembro 2016

Francisco José Conde López
Conselleiro de Economía, Emprego e Industria