De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselles ás persoas relacionadas no anexo o acto que se indica en expediente sancionador en materia de estradas (Lei 8/2013, do 28 de xuño, de estradas de Galicia), logo de que fose devolto polo servizo de Correos por resultar descoñecida a persoa destinataria ou porque, unha vez intentada, non se puido efectuar a notificación.

Segundo se establece no artigo 61 da citada lei, as persoas interesadas disporán dun prazo de 10 días contados desde o seguinte ao da publicación deste anuncio no taboleiro de edictos único (TEU) do Boletín Oficial del Estado, para comparecer na sede do servizo desta delegación da Axencia Galega de Infraestruturas (r/ Fernández Ladreda 43-1º, edificio administrativo, 36003 Pontevedra), por se desexan examinar o expediente e coñecer o contido íntegro deste acto, que contén tamén o ofrecemento de prazo de alegacións ou de recursos. Unha vez transcorrido o dito prazo de dez días sen efectuarse a comparecencia, a notificación entenderase producida desde o día seguinte ao do vencemento do prazo sinalado para comparecer.

A eficacia desta notificación queda supeditada á súa publicación no taboleiro de edictos único (TEU) do Boletín Oficial del Estado.

Pontevedra, 14 de decembro de 2016

Fausto Núñez Vilar
Xefe do Servizo da Delegación Provincial de Pontevedra

ANEXO

Expediente	Persoa interesada	Acto notificado	Precepto infrinxido	Estrada
085/16	Agritomsa	Incoación de expediente	61.3.f)	PO-552 Vigo-Tui
086/16	Agritomsa	Incoación de expediente	61.3.f)	PO-552 Vigo-Tui
121/16	A Vella Escola, S.L.	Incoación de expediente	61.3.f)	PO-510 Atios-Salvaterra
123/16	A Vella Escola, S.L.	Incoación de expediente	61.3.f)	PO-510 Atios-Salvaterra