Con data do 17 de novembro de 2016, o director xeral da Función Pública, en uso da competencia delegada polo conselleiro de Facenda en virtude da Orde do 8 de xullo de 2013 (DOG núm. 136, do 18 de xullo), no seu artigo 3.e), ditou resolución pola que se denega a solicitude de compatibilidade presentada por Aurora Pacheco Iglesias.
Logo de intentar dúas veces a notificación da citada resolución a través do servizo de Correos no enderezo indicado pola interesada para os efectos de notificación, esta non se puido efectuar e foron devoltas polo dito servizo, por non retirado tras os dous intentos, respectivamente en que consta ausente reparto.
Polo exposto, esta dirección xeral, en cumprimento do disposto no artigo 44 da Lei 39/2015, do 1 de outubro, do procedemento administrativo común das administracións públicas, e en virtude deste anuncio, notifícalle a Aurora Pacheco Iglesias a resolución antes referida.
A interesada pode recoller a notificación da resolución mediante comparecencia nas dependencias da Oficina de Incompatibilidades e Boas Prácticas da Dirección Xeral da Función Pública (Edificio Administrativo San Caetano, s/n, 1, 3º, Santiago de Compostela), das 9.00 ás 14.00 horas, de luns a venres, no prazo de dez (10) días contados a partir do seguinte ao da publicación deste anuncio no Boletín Oficial del Estado.
Contra a referida resolución, que pon fin á vía administrativa, poderá interpoñer a interesada recurso de reposición ante o conselleiro de Facenda, no prazo dun mes, ou directamente recurso contencioso-administrativo perante o xulgado do contencioso-administrativo da circunscrición en que teña o seu enderezo ou no de Santiago de Compostela, conforme os artigos 8, 14 e 46 da Lei 29/1998, do 13 de xullo, reguladora da xurisdición contencioso-administrativa, no prazo de dous meses, contados en ambos os dous casos a partir do día seguinte ao da súa comparecencia para recoller a resolución, ou ao do transcurso do prazo previsto no parágrafo anterior sen que a interesada compareza.
Santiago de Compostela, 28 de decembro de 2016
José María Barreiro Díaz
Director xeral da Función Pública
