Aprobado inicialmente, por acordo do Pleno da Corporación con data do 23 de novembro de 2016, o proxecto de modificación puntual do Plan xeral de ordenación municipal deste concello, aprobado por Orde do 30 de xaneiro de 2007 (DOG número 30, do 12 de febreiro) e por Orde do 8 de maio de 2007 (DOG número 99, do 24 de maio), do ámbito de solo denominado SUN-4. Parque empresarial de Vedra, situado neste termo municipal, nos termos do proxecto redactado para os efectos polo arquitecto Fermín González Blanco e de conformidade cos artigos 60 e 83 da Lei 2/2016, do 2 de febreiro, do solo de Galicia, sométese a información pública polo prazo de dous meses mediante anuncios que se publicarán no Diario Oficial de Galicia en nun dos xornais de maior difusión da provincia.
Durante o mencionado prazo, que empezará a contarse desde a publicación deste anuncio no DOG, o expediente tramitado poderá ser examinado por calquera interesado nas dependencias municipais para que se formulen, de ser o caso, as alegacións que se estimen pertinentes.
Suspéndese o outorgamento de licenzas naqueles ámbitos do territorio obxecto de planeamento cuxas novas determinacións supoñan a modificación da ordenación urbanística vixente.
Vedra, 19 de decembro de 2016
Carlos Martínez Carrillo
Alcalde