O día 28 de decembro de 2016 publicouse no DOG a Orde do 19 de decembro de 2016 pola que se establecen as bases reguladoras para a concesión de subvencións para a prevención dos danos causados aos bosques por incendios, desastres naturais e catástrofes en montes veciñais en man común e Sofor, cofinanciadas co Fondo Europeo Agrícola de Desenvolvemento Rural (Feader) no marco do PDR de Galicia 2014-2020, e se convocan para o ano 2017.
No artigo 8 establecíase o prazo dun mes contado a partir do día seguinte ao da publicación desta orde no Diario Oficial de Galicia. Neste mesmo artigo consígnase a obrigatoriedade da solicitude electrónica posto que montes veciñais en man común e Sofor son persoas xurídicas que o artigo 14 da Lei 39/2015 obriga a relacionarse electronicamente coas administracións públicas.
Para facilitar ao administrado a presentación de solicitudes e tendo en conta a novidade que supón a Lei 39/2015 de instaurar tramitación electrónica deste procedemento, cómpre realizar unha ampliación do prazo de solicitude.
Coa publicación desta orde, ademais, aprovéitase para realizar unhas correccións de erros detectados nos artigos 14 e 22, relativos tanto á presentación de información gráfica no documento descritivo das actuacións coma na xustificación, respectivamante, de xeito que se atopen no mesmo documento a modificación da orde e a súa corrección e evitar aos interesados o manexo de máis documentación.
En consecuencia co anteriormente exposto, no exercicio das facultades que me confire o artigo 34 da Lei 1/1983, do 22 de febreiro, de normas reguladoras da Xunta e da súa Presidencia,
ACORDO:
Artigo único. Modificación da Orde do 19 de decembro de 2016 pola que se establecen as bases reguladoras para a concesión de subvencións para a prevención dos danos causados aos bosques por incendios, desastres naturais e catástrofes en montes veciñais en man común e Sofor, cofinanciadas co Fondo Europeo Agrícola de Desenvolvemento Rural (Feader) no marco do PDR de Galicia 2014-2020, e se convocan para o ano 2017.
A Orde do 19 de decembro de 2016 pola que se establecen as bases reguladoras para a concesión de subvencións para a prevención dos danos causados aos bosques por incendios, desastres naturais e catástrofes en montes veciñais en man común e Sofor, cofinanciadas co Fondo Europeo Agrícola de Desenvolvemento Rural (Feader) no marco do PDR de Galicia 2014-2020, e se convocan para o ano 2017, queda modificada como segue:
Un. O número 4 do artigo 8 queda redactado como segue:
«4. O prazo de presentación de solicitudes rematará o 15 de febreiro de 2017.»
Dous. Os cadros do número 5 do artigo 14 quedan redactados como segue:
|
Nome do campo |
Características |
Observacións |
|
Cod_expdte |
Alfanumérico (varchar) de 13 díxitos |
Código completo do expediente de axudas |
|
Prov |
Numérico enteiro curto de 2 díxitos |
Segundo códigos Sixpac 2016 |
|
Muni |
Numérico enteiro curto de 5 díxitos |
Segundo códigos Sixpac 2016 (provincia + municipio) |
|
Agre |
Numérico enteiro curto de 3 díxitos |
Agregado segundo Sixpac 2016 |
|
Zona |
Numérico enteiro curto de 3 díxitos |
Zona segundo Sixpac 2016 |
|
Polig |
Numérico enteiro de 6 díxitos |
Polígono segundo Sixpac 2016 |
|
Parc |
Numérico enteiro de 11 díxitos |
Parcela segundo Sixpac 2016 |
|
Rec |
Numérico enteiro de 11 díxitos |
Recinto segundo Sixpac 2016 |
|
Sup_rec |
Numérico decimal dobre de lonxitude 7 con 4 decimais |
En hectáreas |
|
Mouteira |
Alfanumérico (varchar) de 5 díxitos |
Identificación da mouteira: 1, 2... (posibilidade de incluír letras, nunca acentuadas) |
|
Act |
Alfanumérico (varchar) de 40 díxitos |
Código segundo cadro adxunto. Incluiranse unha ou varias actuacións. No caso de ser varias separaranse os códigos mediante un guión medio (-) sen espazos e a serie comezará co código menor de forma ascendente ata o código de máis valor. |
|
Sup_mouteira |
Numérico decimal dobre de lonxitude 7 con 4 decimais |
En hectáreas |
|
Cod_expdte |
Prov |
Muni |
Agre |
Zona |
Políg |
Parc |
Rec |
Sup_rec |
Mouteira |
Act |
Sup_mouteira |
|
02369999/2017 |
36 |
36017 |
0 |
0 |
284 |
2 |
1 |
0,0412 |
1 |
1 |
0,0301 |
|
02369999/2017 |
36 |
36017 |
0 |
0 |
282 |
16 |
4 |
0,1002 |
2 |
6-7 |
0,0912 |
|
02369999/2017 |
36 |
36017 |
0 |
0 |
284 |
55 |
1 |
0,0721 |
3 |
8-9-11 |
0,0721 |
|
--- |
--- |
--- |
--- |
--- |
--- |
--- |
--- |
--- |
--- |
--- |
--- |
Tres. A letra h do número 1 do artigo 22 queda redactada como segue:
«h) Arquivo gráfico (medición con GPS) en soporte dixital e formato vectorial tipo «shape» no datum ETRS89 e coordenadas UTM sobre o fuso 29N coa superficie afectada polos traballos».
Disposición derradeira. Entrada en vigor
Esta orde entrará en vigor o mesmo día da súa publicación no Diario Oficial de Galicia.
Santiago de Compostela, 23 de xaneiro de 2017
Ángeles Vázquez Mejuto
Conselleira do Medio Rural
