De conformidade co disposto nos artigos 44 e 46 da Lei 39/2015, do procedemento administrativo común das administracións públicas, notifícase a Carlos Alberto Illanes, con DNI X5631003D, como propietario do vehículo marca Citroën, con matrícula 2280CHH, o seguinte requirimento por non ser posible a notificación a través do servizo de Correos.
Segundo a acta do 30 de novembro de 2016 levantada polo celador gardapeiraos responsable do porto da Pobra do Caramiñal, que se acompaña de fotografías, o vehículo antes citado está estacionado en estado de abandono no porto desde hai tres meses aproximadamente, e engádese que o vehículo foi denunciado pola Garda Civil por carecer de seguro e por motivo de residuos perigosos.
Considerando o exposto, e xa que na zona onde se atopa o vehículo a entidade pública Portos de Galicia é a Administración competente en materia de xestión de tráfico, de conformidade co disposto no artigo 86.1 do Real decreto lexislativo 339/1990, do 2 de marzo, que aproba o texto articulado da Lei sobre tráfico, circulación de vehículos de motor e seguridade viaria, requírese o titular para que nun prazo máximo dun mes, contado desde a publicación da presente cédula no Boletín Oficial del Estado, proceda a retirar o vehículo da zona de servizo do porto da Pobra do Caramiñal.
No caso de incumprirse o presente requirimento, Portos de Galicia, sen mais trámites, daralle ao vehículo tratamento de residuo e procederá, en consecuencia, ao seu traslado a centro autorizado de tratamento de vehículos para a súa posterior destrución e descontaminación.
O anterior enténdese sen prexuízo das sancións administrativas que procedan en dereito.
Así mesmo, este anuncio publicarase no Diario Oficial de Galicia, ben que a eficacia do acto notificado quedará supeditada á súa publicación no BOE.
Santiago de Compostela, 20 de xaneiro de 2017
José Ignacio Villar García
Director de Portos de Galicia