De conformidade co disposto no artigo 78.2.a) da Lei do solo de Galicia, do 10 de febreiro, exponse a información pública o expediente de delimitación do ámbito do núcleo rural da Carballa na parroquia de Morgadáns, deste termo municipal subscrito pola arquitecta Delia Prado Figueroa e incoado a petición do concelleiro de urbanismo.
O expediente sométese a información pública polo prazo de dous meses, contado a partir da publicación deste anuncio no Diario Oficial de Galicia, durante o cal se poderá examinar no negociado de Urbanismo do Departamento Municipal de Urbanismo e Medio Ambiente, das 8.30 ás 14.00 horas, de oficina, e formular as alegacións e observacións que se consideren procedentes.
Gondomar, 18 de xaneiro de 2017
O alcalde
P.D. (Resolución do 16.9.2015)
Xosé Antonio Araújo Quintas
Concelleiro de Urbanismo, Patrimonio e Dereito á Vivenda