ENX. Execución de títulos non xudiciais 9/2017
Procedemento de orixe: sobre ordinario
Demandante: Stoyan Stefanov Dyakov
Avogado: Julián Ramos Zapata
Demandada: Calvi Proyectos, S.L.
Eu, María Teresa Vázquez Abades, letrada da Administración de xustiza do Xulgado do Social número 3 de Santiago de Compostela, fago saber que no procedemento de execución de títulos non xudiciais 9/2017 deste xulgado do social, seguido por instancia de Stoyan Stefanov Dyakov contra a empresa Calvi Proyectos, S.L., sobre reclamación de cantidade, se ditaron auto e decreto do 13 de xaneiro de 2017 cuxa parte dispositiva é do teor literal seguinte:
Parte dispositiva do auto:
«Parte dispositiva:
Dispoño despachar orde xeral de execución a favor da parte executante, Stoyan Stefanov Dyakov, contra Calvi Proyectos, S.L., parte executada, por importe de 3.271,51 euros en concepto de principal máis outros 327,15 euros que se fixan provisionalmente en concepto de xuros que, de ser o caso, se poidan devindicar durante a execución e as custas desta, sen prexuízo da súa posterior liquidación.
Este auto, xunto co decreto que ditará o/a letrado/a da Administración de xustiza, e copia da demanda executiva, serán notificados simultaneamente á parte executada, tal e como dispón o artigo 553 da Lei de axuizamento civil (LAC).
Contra este auto poderase interpor recurso de reposición, ante este órgano xudicial, no prazo do tres días hábiles seguintes ao da súa notificación, no cal, ademais de alegar as posibles infraccións en que podería incorrer a resolución e o cumprimento ou incumprimento dos presupostos e requisitos procesuais exixidos, se poderá deducir a oposición á execución despachada, aducindo pagamento ou cumprimento documentalmente xustificado, prescrición da acción executiva ou outros feitos impeditivos, extintivos ou excluíntes da responsabilidade que se pretenda executar, sempre que acaecesen con posterioridade á súa constitución do título; a compensación de débedas non será admisible como causa de oposición á execución.
Se o recorrente non tiver a condición de traballador ou beneficiario do réxime público da Seguridade Social, deberá consignar a cantidade de 25 euros, en concepto de depósito para recorrer, na conta de consignacións do Xulgado do Social número 3 aberta no Banco de Santander, conta número 5076 0000 64 0009 17. Se o ingreso se fai mediante transferencia bancaria, deberase ingresar na conta 000493569920005001274, e no campo “Concepto” deberá indicar o número de conta 5076 0000 64 0009 17. Se efectúa diversos pagamentos na mesma conta, deberá especificar un ingreso por cada concepto, mesmo se obedecen a outros recursos da mesma ou distinta clase, e indicar no campo “Observacións” a data da resolución impugnada utilizando o formato dd/mm/aaaa. Quedan exentos do seu aboamento, en todo caso, o Ministerio Fiscal, o Estado, as comunidades autónomas, as entidades locais e os organismos autónomos dependentes deles.
Así o acorda e asina SSª. Dou fe.
A maxistrada xuíza. A letrada da Administración de xustiza».
E a parte dispositiva do decreto:
«Parte dispositiva:
Para dar efectividade ás medidas concretas solicitadas, acordo:
– Requirir de pagamento a Calvi Proyectos, S.L. pola cantidade reclamada de 3.271,51 euros de principal máis 327,15 euros que provisionalmente se orzan para xuros, gastos e custas, que ingresará na conta deste xulgado, aberta no Banco de Santander, co número 5076 0000 64 0009 17, e, se non paga no prazo de dez días, procederase ao embargo dos seus bens na medida suficiente para responder pola cantidade pola cal se despachou execución máis as custas desta.
– Requirir a Calvi Proyectos, S.L. co fin de que no prazo de dez días manifeste relacionadamente bens e dereitos suficientes para cubrir a contía da execución, con expresión, de ser o caso, das cargas e os gravames, así como, no caso de inmobles, se están ocupados, por que persoas e con que título, baixo apercibimento de que, en caso de non verificalo, poderá ser sancionada, cando menos, por desobediencia grave, no caso de que non presente a relación dos seus bens, inclúa nela bens que non sexan seus, exclúa bens propios susceptibles de embargo ou non desvele as cargas e gravames que sobre eles pesaren, e poderán impórselle tamén multas coercitivas periódicas.
– Pór en coñecemento do Rexistro Público Concursal o ditado do Auto do 13 de xaneiro de 2017, polo que se despacha execución, con expresa especificación do número de identificación fiscal do debedor contra o cal se despachou execución (artigo 551.3. epígrafe final).
– Requírase a Stoyan Stefanov Dyakov co fin de que no prazo de cinco días facilite o seu domicilio e NIE correcto, dado que o que facilita na demanda é igual ao doutro executante.
– Tendo coñecemento de que a empresa executada, Calvi Proyectos, S.L., está a ser notificada mediante edictos, ao encontrarse en ignorado paradoiro, xa que se pescudaron os seus domicilios e o intento de notificación neles foi negativo (autos DSP 244/2016, ETX 158/2016), notifíquenselles as resolucións que se diten na presente execución, no taboleiro de anuncios deste xulgado, e os autos e resolucións definitivas e as demais que a lei expresamente ordene, por medio de edictos no Diario Oficial de Galicia.
Notifíqueselles ás partes e a Calvi Proyectos, S.L., por medio de edictos no Diario Oficial de Galicia, e fágaselles saber que, en aplicación do mandato contido no artigo 53.2 da Lei reguladora da xurisdicción social, no primeiro escrito ou comparecencia ante o órgano xudicial as partes ou interesados e, de ser o caso, os profesionais designados sinalarán un domicilio e datos completos para a práctica de actos de comunicación. O domicilio e os datos de localización facilitados con tal fin producirán plenos efectos e as notificacións tentadas neles sen efecto serán válidas mentres non sexan facilitados outros datos alternativos, e será carga procesual das partes e dos seus representantes mantelos actualizados. Así mesmo, deberán comunicar os cambios relativos ao seu número de teléfono, fax, enderezo electrónico ou similar, sempre que estes últimos estean a ser utilizados como instrumentos de comunicación co tribunal.
Modo de impugnación. Contra esta resolución cabe recurso directo de revisión que se deberá interpor ante o presente órgano xudicial no prazo de tres días hábiles. Se o recorrente non tiver a condición de traballador ou beneficiario do réxime público da Seguridade Social, deberá consignar a cantidade de 25 euros, en concepto de depósito para recorrer, na conta de consignacións do Xulgado do Social número 3 aberta no Banco de Santander, conta número 5076 0000 64 0009 17. Se o ingreso se fai mediante transferencia bancaria, deberase ingresar na conta número 000493569920005001274, e no campo «Concepto» deberá indicar o número de conta 5076 0000 64 0009 17. Se efectúa diversos pagamentos na mesma conta, deberá especificar un ingreso por cada concepto, mesmo se obedecen a outros recursos da mesma ou distinta clase, e indicar no campo «Observacións» a data da resolución impugnada utilizando o formato dd/mm/aaaa. Quedan exentos do seu aboamento, en todo caso, o Ministerio Fiscal, o Estado, as comunidades autónomas, as entidades locais e os organismos autónomos dependentes deles.
Así o acorda e asina SSª. Dou fe.
A letrada da Administración de xustiza».
Advírteselle á destinataria que as seguintes comunicacións se farán fixando copia da resolución ou da cédula no taboleiro de anuncios da oficina xudicial.
Para que sirva de notificación e requirimento a Calvi Proyectos, S.L., expido este edicto.
Santiago de Compostela, 13 de xaneiro de 2017
A letrada da Administración de xustiza
