Intentadas as notificacións persoais e devoltas polo servizo de Correos ao resultar imposible a súa práctica, de conformidade co establecido no artigo 44 da Lei 39/2015, do 1 de outubro, do procedemento administrativo común das administracións públicas, por esta resolución ponse en coñecemento dos titulares dos expedientes relacionados no anexo a esta resolución que o director xeral do Igape acordou iniciar o procedemento de incumprimento das condicións impostas nas resolucións de concesión das axudas outorgadas, co obxecto de determinar o alcance do incumprimento, que podería dar lugar á revogación das axudas concedidas e suspender os pagamentos ata que se diten as resolucións que poñan fin aos procedementos de incumprimento.
Os actos obxecto deste anuncio non se publican na súa integridade en virtude da cautela prevista no artigo 46 da Lei 39/2015. Concédeselles aos titulares dos expedientes un prazo de quince (15) días hábiles desde a publicación desta resolución no Boletín Oficial del Estado para presentaren alegacións co fin de xustificar a non procedencia destes presuntos incumprimentos. Así mesmo, as resolucións de retención de pagamento esgotan a vía administrativa e contra elas os titulares dos expedientes poderán interpoñer recurso contencioso-administrativo, ante os xulgados do contencioso-administrativo de Santiago de Compostela, no prazo de dous meses contados a partir do día seguinte ao da publicación desta resolución no Boletín Oficial del Estado. Non obstante, previamente poderán interpoñer recurso de reposición, ante a Dirección Xeral do Igape, dentro do prazo dun mes contado a partir do día seguinte ao da publicación desta resolución. Os expedientes póñense de manifesto aos interesados neste centro directivo sito en Santiago de Compostela; Complexo Administrativo San Lázaro, s/n.
Santiago de Compostela, 17 de febreiro de 2017
Juan Manuel Cividanes Roger
Director xeral do Instituto Galego de Promoción Económica
ANEXO
Nº expediente |
Nome/razón social |
Programa de axudas |
Data resolución |
Órgano que dita a resolución |
Notificación |
IG107.2014.1.10 |
La Empanadilla Sabrosa, S.L. |
Proxectos de creación de pequenas e medianas empresas ou de realización de investimentos en pequenas e medianas empresas novas promovidas por novos emprendedores, cofinanciados polo Fondo Europeo de Desenvolvemento Rexional no marco do programa operativo Feder Galicia 2007-2013 (Galicia Emprende) (Resolución do 5 de decembro de 2013; DOG núm. 238, do 13 de decembro) |
1.12.2016 |
Director xeral do Igape |
Acordo de inicio de expediente de incumprimento total e resolución de retención de pagamentos |
IG204.2015.1.48 |
Rodríguez Fernández, Andrés |
Programa de apoio financeiro ás pemes-axudas para a bonificación dos custos do financiamento das pemes de Galicia, titulares de préstamos superiores a 25.000 € (Resolución do 5 de xuño de 2015; DOG núm. 115, do 19 de xuño) |
23.1.2017 |
Director xeral do Igape |
Acordo de inicio de expediente de incumprimento total e resolución de retención de pagamentos |