De conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, as notificacións que non foi posible efectuar faranse por medio dun anuncio publicado no Boletín Oficial del Estado. Así mesmo, previamente e con carácter facultativo, poderase publicar un anuncio no boletín oficial da comunidade autónoma.
Unha vez intentada a notificación no último domicilio coñecido e logo de ser devolta polo servizo de Correos por resultar imposible efectuala, por medio deste anuncio comunícase a María Luisa Núñez Torrón que se está tramitando o recurso contenicoso-administrativo, procedemento ordinario 449/2016, no Xulgado do Contencioso-Administrativo número 1 de Lugo, interposto por José Manuel Carro Torrón contra a resolución pola que se desestiman os recursos administrativos RA/VI/2015/00266 e RA/VI/2015/00269, interpostos contra as resolucións dos expedientes sancionadores LU-23/13 e LU-19/13, respectivamente, en materia de vivenda.
Esta consellería acordou o 20.1.2017, de conformidade co disposto no artigo 49 da Lei 29/1998, do 13 de xullo, reguladora da xurisdición contencioso-administrativa, a remisión do correspondente expediente ao referido xulgado, o que se lle notifica en canto interesada no procedemento, e emprázase a fin de que poida comparecer, se o considera oportuno, ante o dito xulgado, no prazo de nove días contados desde o día seguinte ao da publicación deste anuncio no Boletín Oficial del Estado.
Santiago de Compostela, 3 de abril de 2017
Joaquín Macho Canales
Secretario xeral técnico da Consellería de Infraestruturas e Vivenda