1. Entidade adxudicadora.

a) Organismo: Axencia para a Modernización Tecnolóxica de Galicia.

b) Dependencia que tramita o expediente: Departamento de Contratación.

c) Número de expediente: 2017/PA/0024.

2. Obxecto do contrato.

a) Descrición do obxecto: servizo de coordinación, xestión e seguimento dos servizos de administración electrónica coas entidades locais e a rede CeMIT, así como identificar e coordinar liñas de actividade para potenciar o uso dos servizos dixitais, achegamento á cidadanía e identificación de iniciativas innovadoras no eido da relación coa cidadanía.

b) División por lotes e número: non.

c) Prazo e lugar de entrega: o prazo para a prestación dos servizos obxecto do presente contrato será de 24 meses contados a partir do 10.7.2017. Se a data de formalización do contrato for posterior a esta última, o prazo de execución de 24 meses computarase desde a data de formalización do contrato.

d) Admisión de prórroga: si.

3. Tramitación e procedemento de adxudicación.

a) Tramitación: ordinaria e documentalmente simplificada.

b) Procedemento: aberto harmonizado.

4. Valor estimado: 1.346.400,00 € (IVE excluído).

5. Orzamento de licitación: 673.200,00 €, máis 141.372,00 €, que corresponden ao IVE (21 %), o que supón un total de 814.572,00 € (oitocentos catorce mil cincocentos setenta e dous euros), que se distribúe nas seguintes anualidades:

2017: 158.950,00 € + 33.379,50 € (IVE 21 %) = 192.329,50 €.

2018: 336.600,00 € + 70.686,00 € (IVE 21 %) = 407.286,00 €.

2019: 177.650,00 € + 37.306,50 € (IVE 21 %) = 214.956,50 €.

6. Garantía provisional: non se exixe.

7. Obtención da documentación e da información.

a) Entidade: Axencia para a Modernización Tecnolóxica de Galicia.

b) Enderezo: Monte Gaiás, s/n.

c) Localidade e código postal: Santiago de Compostela, 15781.

d) Teléfono: 981 54 52 86.

e) Fax: 981 54 52 74.

f) Perfil do contratante: http://www.contratosdegalicia.gal/resultado.jsp?N=148522

g) Data límite de obtención de documentos e da información: ata o último día de presentación das proposicións.

8. Requisitos específicos do contratista.

a) Solvencia e clasificación: ver a letra N) do prego de cláusulas administrativas particulares.

9. Presentación de ofertas.

a) Data límite de presentación: o prazo de admisión de proposicións rematará o día 22.5.2017, de acordo co establecido no artigo 159 do Real decreto lexislativo 3/2011, do 14 de novembro, polo que se aproba o texto refundido da Lei de contratos do sector público.

b) Documentación que deberá presentarse: a indicada no prego de cláusulas administrativas particulares.

c) Lugar de presentación:

1º. Entidade: Rexistro da Amtega.

2º. Dirección: Edificio CINC, Monte Gaiás, s/n.

3º. Localidade e código postal: Santiago de Compostela, 15781.

Cando a proposición se envíe por correo, deberá cumprirse o establecido no número 11 das disposicións xerais do prego de cláusulas administrativas particulares.

d) Admisión de variantes: non se admiten.

10. Apertura das ofertas: o lugar, o día e a hora de apertura da documentación relativa aos sobres B e C indicarase no perfil do contratante.

11. Criterios que servirán de base para a adxudicación do contrato e a súa ponderación: os sinalados na letra K da folla de especificacións do prego de cláusulas administrativas particulares.

12. Gastos dos anuncios: serán por conta do adxudicatario.

13. Data de envío do anuncio de licitación ao DOUE: 11.4.2017.

Santiago de Compostela, 11 de abril de 2017

Mar Pereira Álvarez
Directora da Axencia para a Modernización Tecnolóxica de Galicia