Eu, María Isabel Freire Corzo, letrada da Administración de xustiza da Sala do Social do Tribunal Superior de Xustiza de Galicia, fago saber que no procedemento de recurso de suplicación 3943/2016, seguido por instancia de María Isabel Botana Gómez contra o Fogasa, Exclusivas Joquins, S.L., sobre reclamación de cantidade, foi ditada a seguinte resolución:

Decidimos que, desestimando o recurso de suplicación articulado por María Isabel Botana Gómez contra a sentenza do Xulgado do Social número 5 da Coruña, do 3 de maio de 2016, en autos nº 275/2015, instados pola aquí recorrente contra a empresa Exclusivas Joquins, S.L. e o Fondo de Garantía Salarial, sobre reclamación de cantidade, confirmamos a resolución da instancia.

Notifíquese esta resolución ás partes e á Fiscalía do Tribunal Superior de Xustiza de Galicia.

Modo de impugnación: faise saber ás partes que contra esta sentenza cabe interpor recurso de casación para unificación de doutrina que se preparará mediante escrito presentado ante esta sala dentro do prazo improrrogable dos dez días hábiles inmediatos seguintes á data de notificación da sentenza. Se o recorrente non tiver a condición de traballador ou beneficiario do réxime público de seguridade social, deberá efectuar:

– O depósito de 600 € na conta de 16 díxitos desta sala, aberta no Banco de Santander (Banesto) co nº 1552 0000 37, seguida dos catro díxitos correspondentes ao número do recurso e dous díxitos do ano deste.

– Así mesmo, se houber cantidade de condena, deberá consignala na mesma conta, pero co código 80 en vez do 37, ou ben presentar aval bancario solidario en forma.

– Se o ingreso se fixer mediante transferencia bancaria desde unha conta aberta en calquera entidade bancaria distinta, deberá emitila á conta de vinte díxitos 0049 3569 92 0005001274 e facer constar no campo “observacións” ou “concepto da transferencia” os 16 díxitos que corresponden ao procedemento (1552 0000 80 ou 37 **** ++).

E para que sirva de notificación en legal forma a Exclusivas Joquins, S.L., con último domicilio coñecido no polígono de Pocomaco, parcela D-20 A da Coruña, e actualmente en ignorado paradoiro, expido este edicto para a súa inserción no DOG, e advírtese ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo no suposto da comunicación das resolucións que deban revestir forma de auto ou sentenza, ou cando se trate de emprazamento.

A Coruña, 24 de marzo de 2017

A letrada da Administración de xustiza