De conformidade co disposto no artigo 13.4 da Lei 4/2006, do 30 de xuño, de transparencia e de boas prácticas na Administración pública galega, e nos artigos 5 e 6 das bases reguladoras para a concesión de subvencións, en réxime de concorrencia non competitiva, relativa ao Plan Renove de instalacións eléctricas comúns, así como a selección de entidades colaboradoras que participarán na súa xestión, e se procede á súa convocatoria (código do procedemento IN412E), procédese por medio desta resolución dar publicidade ás entidades colaboradoras adheridas para a xestión das axudas relativas ao Plan Renove de instalacións eléctricas comúns 2017.
As entidades colaboradoras do Plan Renove de instalacións eléctricas comúns son as encargadas de tramitar o procedemento (facer a reserva dos fondos, presentar a solicitude e presentar a documentación xustificativa da actuación).
Os interesados poderán consultar as entidades adheridas no seguinte enderezo (https://entidadescolaboradoras.xunta.gal/electricas/consulta) e no enlace habilitado na páxina web da Consellería de Economía, Emprego e Industria (http://ceei.xunta.gal/recursos/axudas-e-subvencions/direccion-xeral-de-enerxia-e-minas).
Santiago de Compostela, 25 de abril de 2017
Ángel Bernardo Tahoces
Director xeral de Enerxía e Minas