A Dirección de Augas de Galicia como órgano de contratación, ao abeiro da Resolución do 30 de xaneiro de 2012 de delegación de competencias ditada pola Presidencia da entidade e de acordo co establecido no Decreto 32/2012, do 12 de xaneiro, polo que se aproba o estatuto do ente público, contratou a seguinte actuación:
1. Entidade adxudicadora:
Organismo: Augas de Galicia.
Dependencia que tramita o expediente: contratación.
Enderezo da internet do perfil de contratante: http://www.contratosdegalicia.es/consultaOrganismo.jsp?N=216. Tamén se terá acceso ao perfil desde a plataforma de contratos públicos de Galicia a través de http://www.xunta.es e desde a Plataforma de contratación do sector público https://contrataciondelestado.es por medio de enlaces de interese ás plataformas de contratación das comunidades autónomas e na páxina web http://augasdegalicia.xunta.gal/.
Tipo de contrato: administrativo de servizo.
Tramitación: ordinaria.
Procedemento: aberto con varios criterios de valoración e non suxeito a regulación harmonizada.
Valor estimado do contrato: 201.315,28 €. Inclúe os orzamentos de licitación e das eventuais prórrogas contractuais previstas.
Vantaxe da oferta do adxudicatario: proposición economicamente máis vantaxosa por obter a maior puntuación total con base na aplicación dos criterios de adxudicación establecidos no prego de cláusulas administrativas particulares, nos cales se inclúen as características que determinan a selección da súa oferta con preferencia á dos restantes licitadores admitidos no procedemento de adxudicación correspondente.
2. Obxecto do contrato: servizo.
Descrición: toma de mostras de auga nos puntos de control da rede de augas subterráneas no ámbito da demarcación hidrográfica de Galicia-Costa e instalación de novos puntos de control.
Número de expediente: OH.088.363.SV.
CPV (referencia de nomenclatura): 90733700-1.
Medio e data de publicación de licitación: DOG núm. 80, do 27 de abril de 2016.
Orzamento base de licitación. Importe neto: 115.037,30 euros. Importe total: 139.195,13 euros.
Data de adxudicación: 24 de xaneiro de 2017.
Importe de adxudicación. Importe neto: 94.330,59 euros. Importe total: 114.140,01 euros.
Data de formalización do contrato: 3 de abril de 2017.
Contratista: Eptisa Servicios de Ingeniería, S.A.
3. Outras informacións.
A adxudicación do citado contrato, en cumprimento do artigo 151 do Real decreto lexislativo 3/2011, do 14 de novembro, polo que se aproba o texto refundido da Lei de contratos do sector público, e conforme o disposto no prego de cláusulas administrativas particulares, foi debidamente notificada aos licitadores e publicada no perfil de contratante.
O que se fai público para os efectos previstos no artigo 154 do Real decreto lexislativo 3/2011, do 14 de novembro, polo que se aproba o texto refundido da Lei de contratos do sector público.
Santiago de Compostela, 12 de maio de 2017
A presidenta de Augas de Galicia
P.D. (Resolución do 30.1.2012; DOG núm 21, do 31 de xaneiro)
Roberto Rodríguez Martínez
Director de Augas de Galicia