No BOP de Ourense do 27 de abril de 2017 publicáronse íntegras as bases da convocatoria, mediante concurso específico, para a provisión de diversos postos de traballo na RPT da Deputación Provincial de Ourense.
Os postos que se convocan son os seguintes:
– Un (1) posto de xefe do Negociado de Procesos Selectivos.
– Un (1) posto de xefe da Sección de Augas.
– Un (1) posto de xefe do Negociado de Contabilidade.
– Un (1) posto de xefe do Negociado de Policía de Verteduras.
– Un (1) posto de xefe da Sección de Investimentos, Planificación e Programas Europeos.
As solicitudes presentaranse no Rexistro Xeral da Deputación durante o prazo dos quince (15) días naturais seguintes ao da publicación do anuncio da convocatoria no BOE, en modelo oficial que se facilitará no Negociado de Control e Administración do Servizo de Recursos Humanos. Así mesmo, poderán presentarse na forma que determina o artigo 16 da Lei 39/2015.
A Deputación facilitará copia das bases e modelo oficial de solicitudes nas oficinas do Rexistro Xeral, rúa Progreso, 32 (Ourense) e tamén na páxina web www.depourense.es.
Os sucesivos anuncios relativos a esta convocatoria publicaranse exclusivamente no taboleiro provincial de edictos en todo caso, na páxina web www.depourense.es, e no BOP de Ourense, cando proceda, de conformidade coas bases do procedemento.
Publícase isto de conformidade co disposto no artigo 233.3 da Lei 5/1997, de Administración local de Galicia.
Ourense, 2 de maio de 2017
José Manuel Baltar Blanco
Presidente da Deputación Provincial de Ourense