DOG 123 do 29/06/2017 - ANUNCIO do 25 de xaneiro de 2017 polo que se notifican as resolucións ditadas nos expedientes en materia de dominio público hidráulico devoltas polo servizo de Correos por resultaren descoñecidos os seus destinatarios ou ben porque, intentadas as notificacións, non se puideron efectuar (expediente DH.W15.52677 e catro máis).

VI. Anuncios

a) Administración autonómica

Augas de Galicia

ANUNCIO do 25 de xaneiro de 2017 polo que se notifican as resolucións ditadas nos expedientes en materia de dominio público hidráulico devoltas polo servizo de Correos por resultaren descoñecidos os seus destinatarios ou ben porque, intentadas as notificacións, non se puideron efectuar (expediente DH.W15.52677 e catro máis).

De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, despois de ser intentada sen éxito a notificación persoal a través do servizo de Correos, notifícanse ás persoas definidas no anexo as resolucións ditadas nos expedientes DH.W15.52677 e catro máis, en materia de dominio público hidráulico.

En cumprimento do artigo 61 da Lei 30/1992, do 26 de novembro, os interesados poderán comparecer, no prazo de dez días hábiles contados desde o seguinte ao da publicación deste anuncio no Boletín Oficial del Estado, nas oficinas de Augas de Galicia, situadas na praza de Camilo Díaz Baliño, 7-9, 15781 Santiago de Compostela, das 9.00 ás 14.00 horas, de luns a venres, para o coñecemento íntegro das mencionadas resolucións e constancia de tal coñecemento.

Transcorrido o dito prazo sen efectuarse a comparecencia, as notificacións entenderanse producidas desde o día seguinte ao de publicación deste anuncio no Boletín Oficial del Estado.

Contra estas resolucións, que non esgotan a vía administrativa, poderán interpor recurso de alzada ante o presidente de Augas de Galicia, de conformidade co previsto nos artigos 114 e 115 da Lei 30/1992, do 26 de novembro, no prazo dun mes contado desde o día seguinte ao da súa comparecencia ou da publicación no Boletín Oficial del Estado.

Santiago de Compostela, 25 de xaneiro de 2017

Roberto Rodríguez Martínez
Director de Augas de Galicia

ANEXO

Expediente	Interesados	Enderezo	Data da resolución	Sentido da resolución
DH.W15.52677	Marisol Santos Pouso	R/ Arnela, 40, Baroña, 15979 Porto do Son	28.7.2016	Favorable
DH.B15.24231	José Alfonso Boga Conde	Ledoño, 91, 15189 Culleredo	6.7.2016	Arquivamento
DH.W15.51896	Manuel Barreiro Peteiro	R/ Joaquín Martín Martínez, 4, 2º C, 15008 A Coruña	5.7.2016	Arquivamento
DH.A15.28498	Regina Esther Rodríguez Pillado	Gándara, 35, Oleiros, 15993 Ribeira	1.8.2016	Arquivamento
DH.W36.53186	Carole Pascale Moriss Lefebvre	Lorenzo de la Carrera, 15, entresollado, 36300 Baiona	29.8.2016	Favorable