O artigo 15 da Lei 1/2016, do 18 de xaneiro, de transparencia e bo goberno (Diario Oficial de Galicia núm. 30, do 15 de febreiro), impón a cada consellería ou entidade da Xunta de Galicia a obriga de remitir para a súa publicación no Diario Oficial de Galicia unha relación dos convenios subscritos referida ao cuadrimestre anterior.
En consecuencia, e para dar cumprimento a esta obriga,
DISPOÑO:
Artigo único
Darlle publicidade á relación dos convenios subscritos polo Instituto de Estudos do Territorio no primeiro cuadrimestre do ano 2017, que se incorpora como anexo a esta resolución.
Santiago de Compostela, 19 de maio de 2017
Inés Santé Riveira
Directora do Instituto de Estudos do Territorio
ANEXO
Convenio |
Obxecto do convenio |
Aportación económica |
Data de sinatura |
Convenio de colaboración entre o Instituto de Estudos do Territorio da Consellería de Medio Ambiente e Ordenación do Territorio, e o Colexio Oficial de Arquitectos de Galicia, para elaborar o protocolo de aplicación e desenvolvemento de exemplos de utilización da Guía de cor e materiais das doce grandes áreas paisaxísticas de Galicia |
Elaborar o protocolo de aplicación e desenvolvemento de exemplos de utilización da Guía de cor e materiais das doce grandes áreas paisaxísticas de Galicia a través dun traballo exhaustivo de análise e procesamento do material acadado no desenvolvemento do convenio de colaboración, formalizado o 21.6.2016, para desenvolver a Guía de cor e materiais das doce grandes áreas paisaxísticas do catálogo das paisaxes de Galicia |
48.000 € |
17.2.2017 |
Convenio de colaboración entre a Universidade de Salamanca e a Xunta de Galicia, a través da Consellería de Medio Ambiente e Ordenación do Territorio e do Instituto de Estudos do Territorio no Máster Xeotecnoloxías Cartográficas en Enxeñaría e Arquitectura |
Establecer as condicións polas que o Instituto de Estudos do Territorio e a Universidade de Salamanca van colaborar na realización das seguintes actividades do Máster Xeotecnoloxías Cartográficas en Enxeñaría e Arquitectura co fin de promover o futuro desenvolvemento profesional e o acceso ao mercado laboral dos/das futuros/as titulados/as universitarios/as: – Desenvolvemento de proxectos de fin de máster na empresa – Prácticas de alumnos/as |
Sen aportación económica |
22.3.2017 |
Convenio de colaboración entre o Instituto de Estudos do Territorio, a entidade pública empresarial Augas de Galicia e a Asociación para a Defensa Ecolóxica de Galicia (Adega), para o desenvolvemento dun programa de educación para a sustentabilidade dos ríos (Proxecto Ríos) |
Establecer as condicións que rexerán a participación e colaboración entre as partes asinantes para desenvolver as actividades e actuacións planificadas para o ano 2017 no marco do Proxecto Ríos |
Sen aportación económica |
28.3.2017 |
Addenda ao protocolo de colaboración entre o organismo autónomo Instituto de Estudos do Territorio e a Fundación Eduardo Pondal para o desenvolvemento de actividades relacionadas coa protección, xestión e ordenación da paisaxe |
Prorrogar por un ano o protocolo de colaboración entre o organismo autónomo Instituto de Estudos do Territorio e a Fundación Eduardo Pondal para o desenvolvemento de actividades relacionadas coa protección, xestión e ordenación da paisaxe formalizado o 19.4.2016 |
Sen aportación económica |
19.4.2017 |