A Cámara de Comercio da Coruña anuncia a apertura de convocatoria, que ten por obxecto promover a participación no Plan internacional de promoción, cofinanciado polo Fondo Europeo de Desenvolvemento Rexional (Feder, período 2014-2020) da Unión Europea na seguinte acción:
Misión comercial a Polonia, multisectorial: entre o 24 e o 30 de setembro de 2017. A convocatoria abrirase o día 4 de agosto e pecharase o día 4 de setembro de 2017.
Primeiro. Beneficiarios
Pemes, micropemes e autónomos da Comunidade Autónoma de Galicia.
O número máximo de empresas beneficiarias será de 12.
Segundo. Obxecto
O obxecto da convocatoria é a selección de operacións realizadas polas pemes que contribúan a promover a súa internacionalización e mellorar a súa competitividade, co obxectivo de mellorar a propensión para exportar e a base exportadora da economía española, diversificar os mercados de destino da exportación española e incrementar a competitividade da economía española para impulsar a España como destino de investimento.
Terceiro. Convocatoria
O texto completo da convocatoria estará á disposición das empresas na sede da Cámara da Coruña. Ademais, pode consultarse a través da web www.camaracoruna.com.
Cuarto. Contía
O orzamento máximo de execución das actuacións indicadas a continuación, no marco desta convocatoria da Misión comercial a Polonia para o período 2017, dentro do Programa operativo de crecemento intelixente 2014-2020, é de 25.000 €.
Os recursos estimados para os servizos de apoio prestados pola Cámara de Comercio da Coruña serán de 7.000 €, cofinanciados nunha porcentaxe do 80 % con cargo aos fondos Feder e nunha porcentaxe do 20 % pola Cámara de Comercio da Coruña.
A contía máxima das axudas para outorgar con cargo a esta convocatoria ás empresas participantes nas actuacións obxecto desta convocatoria é de 18.000 € en concepto de subvencións. As axudas serán cofinanciadas nunha porcentaxe do 80 % con cargo a fondos Feder, a través do Programa operativo de crecemento intelixente 2014-2020, e o resto financiarase con cargo ás empresas participantes.
Quinto. Prazo de presentación de solicitudes
O prazo para a presentación de solicitudes ábrese tras a publicación deste anuncio o día 4 de agosto e finalizará o día 4 de setembro de 2017.
O modelo de solicitude de participación poderá descargarse na web:
www.camaracoruna.com.
A Coruña, 27 de xullo de 2017
Gonzalo Ortiz Amor
Secretario xeral da Cámara Oficial de Comercio,
Industria, Servizos e Navegación da Coruña
|
Fondo Europeo de Desenvolvemento Rexional |
Unha maneira de facer Europa |
