De conformidade co artigo 8 da Lei 19/2013, do 9 de decembro, de transparencia, acceso á información pública e bo goberno, dáse publicidade ás seguintes encomendas coas seguintes características:
1. Resolución do 17 de decembro de 2015, da Consellería do Mar, pola que se lle encarga ao medio propio Empresa Tecnologías y Servicios Agrarios, S.A. (Tragsatec), a realización do servizo de apoio administrativo ao FEMP 2014-2020 tramitado como anticipado de gasto.
– Actividade: traballos de apoio administrativo ao FEMP 2014-2020, mediante unha asistencia técnica na tramitación de axudas ao sector pesqueiro en Galicia.
– Natureza e alcance da xestión encomendada: encomenda de xestión a medios propios ao ter a Empresa de Tecnologías y Servicios Agrarios, S.A., filial da Empresa de Transformación Agraria, S.A., a consideración de medio propio instrumental e de servizo técnico da Administración xeral da Comunidade Autónoma de Galicia, en cumprimento do establecido nos artigos 10 e 47 e seguintes da Lei 16/2010, do 17 de decembro, de organización e funcionamento da Administración xeral e do sector público autonómico de Galicia.
– Prazo de vixencia: desde o 1 de xaneiro de 2016 ata o 31 de decembro de 2017.
– Financiamento: tramitouse con cargo aos orzamentos da Comunidade Autónoma de Galicia para o ano 2016, aplicación orzamentaria 14.02.723A.604.1, e foi cofinanciada polo Fondo Europeo Marítimo e de Pesca nun 75 %, na medida 7: asistencia técnica.
2. Resolución do 17 de decembro de 2015, da Consellería do Mar, pola que se lle encarga ao medio propio Empresa Tecnologías y Servicios Agrarios, S.A. (Tragsatec), a realización do servizo de apoio técnico para a implantación e desenvolvemento dun sistema de control e verificacións en relación ao cumprimento das intervencións comunitarias tramitado por anticipado de gasto.
– Actividade: traballos de apoio para a realización de controis de verificación dos sistemas e procedementos adoptados para garantir o cumprimento dos proxectos.
– Natureza e alcance da xestión encomendada: encomenda de xestión a medios propios ao ter a Empresa de Tecnologías y Servizos Agrarios, S.A., filial da Empresa de Transformación Agraria, S.A., a consideración de medio propio instrumental e de servizo técnico da Administración xeral da Comunidade Autónoma de Galicia, en cumprimento do establecido nos artigos 10 e 47 e seguintes da Lei 16/2010, do 17 de decembro, de organización e funcionamento da Administración xeral e do sector público autonómico de Galicia.
– Prazo de vixencia: desde o 1 de xaneiro de 2016 ata o 31 de decembro de 2017.
– Financiamento: tramitouse con cargo aos orzamentos da Comunidade Autónoma de Galicia para o ano 2016, aplicación orzamentaria 14.02.723A.604.1, e foi cofinanciada polo Fondo Europeo Marítimo e de Pesca nun 75 %, na medida 7: asistencia técnica.
3. Resolución do 2 de febreiro de 2016, da Consellería do Mar, pola que se lle encarga ao medio propio Empresa de Transformación Agraria, S.A., a realización, polo sistema de «administración» das obras do proxecto de «ampliación da actual lonxa da Illa de Arousa».
– Actividade: traballos de administración para as obras de ampliación da sala de poxas da lonxa da Illa de Arousa.
– Natureza e alcance da xestión encomendada: encomenda de xestión a medios propios ao ter a Empresa de Transformación Agraria, S.A. a consideración de medio propio instrumental e de servizo técnico da Administración xeral da Comunidade Autónoma de Galicia, en cumprimento do establecido nos artigos 10 e 47 e seguintes da Lei 16/2010, do 17 de decembro, de organización e funcionamento da Administración xeral e do sector público autonómico de Galicia.
– Prazo de vixencia: máximo catro meses a partir da sinatura da acta de comprobación da implantación, que será asinada no prazo máximo dun mes contado desde a data da resolución.
– Financiamento: tramitouse con cargo aos orzamentos da Comunidade Autónoma de Galicia para o ano 2016, aplicación orzamentaria 14.03.514A.604.1, e foi cofinanciada polo Fondo Europeo Marítimo e de Pesca nun 75 %, no obxectivo 1.4: fomento da competitividade e a viabilidade das empresas do sector da pesca; medida 1.4.9: portos pesqueiros, lugares de desembarcamento, lonxas e ancoradoiros.
4. Resolución do 23 de setembro de 2016, da Consellería do Mar, pola que se lle encarga ao medio propio Empresa de Transformación Agraria, S.A., a realización, polo sistema de «administración» das obras da memoria valorada de «construcións de vestiario e pequeno almacén na lonxa da Illa de Arousa (Pontevedra).
– Actividade: traballos de administración para as obras de construción de vestiario e pequeno almacén na lonxa da Illa de Arousa.
– Natureza e alcance da xestión encomendada: encomenda de xestión a medios propios ao ter a Empresa de Transformación Agraria, S.A. a consideración de medio propio instrumental e de servizo técnico da Administración xeral da Comunidade Autónoma de Galicia, en cumprimento do establecido nos artigos 10 e 47 e seguintes da Lei 16/2010, do 17 de decembro, de organización e funcionamento da Administración xeral e do sector público autonómico de Galicia.
– Prazo de vixencia: máximo tres meses a partir da sinatura da acta de comprobación da implantación, que será asinada no prazo máximo dun mes contado desde a data da resolución.
– Financiamento: tramitouse con cargo aos orzamentos da Comunidade Autónoma de Galicia para o ano 2016, aplicación orzamentaria 14.03.514A.604.1, e foi cofinanciada polo Fondo Europeo Marítimo e de Pesca nun 75 %, no obxectivo 1.4: fomento da competitividade e a viabilidade das empresas do sector da pesca; medida 1.4.9: portos pesqueiros, lugares de desembarque, lonxas e ancoradoiros.
5. Resolución do 9 de agosto de 2016, da Consellería do Mar, pola que se lle encarga ao medio propio Empresa de Tecnologías y Servicios Agrarios, S.A., a prestación do servizo de apoio técnico no deseño e programación de cursos de formación en acuicultura.
– Actividade: elaboración de guías metodolóxicas para os módulos formativos, na elaboración das presentacións didácticas, na organización e docencia dun curso de formación de formadores e a organización e docencia dun curso dirixido ao persoal do sector.
– Natureza e alcance da xestión encomendada: encomenda de xestión a medios propios ao ter a Empresa de Tecnologías y Servizos Agrarios, S.A., filial da Empresa de Transformación Agraria, S.A., a consideración de medio propio instrumental e de servizo técnico da Administración xeral da Comunidade Autónoma de Galicia, en cumprimento do establecido nos artigos 10 e 47 e seguintes da Lei 16/2010, do 17 de decembro, de organización e funcionamento da Administración xeral e do sector público autonómico de Galicia.
– Prazo de vixencia: ata o 15 de decembro de 2016.
– Financiamento: tramitouse con cargo aos orzamentos da Comunidade Autónoma de Galicia para o ano 2016, aplicación orzamentaria 14.03.422K.604.1, código de proxecto 2016 00290, e foi cofinanciada polo Fondo Europeo Marítimo e de Pesca nun 75 %, na medida 2.5.1 desenvolvemento da formación profesional, de novas competencias profesionais e da formación permanente para a promoción do capital humano e do traballo na rede (artigo 50 do Regulamento FEMP).
6. Resolución do 4 de xaneiro de 2016, da Consellería do Mar, pola que se lle encarga ao medio propio Empresa de Tecnologías y Servicios Agrarios, S.A., para a asistencia técnica na selección de estratexias de desenvolvemento local participativas no marco do desenvolvemento sustentable das zonas de pesca en Galicia.
– Actividade: apoio na implementación do Desenvolvemento Sustentable das Zonas de Pesca do FEMP 2014-2020, mediante unha asistencia técnica para o proceso de selección das Estratexias de Desenvolvemento Local Participativo e Grupos de Acción Local do Sector Pesqueiro.
– Natureza e alcance da xestión encomendada: encomenda de xestión a medios propios ao ter a Empresa de Tecnologías y Servizos Agrarios, S.A., filial da Empresa de Transformación Agraria, S.A., a consideración de medio propio instrumental e de servizo técnico da Administración xeral da Comunidade Autónoma de Galicia, en cumprimento do establecido nos artigos 10 e 47 e seguintes da Lei 16/2010, do 17 de decembro, de organización e funcionamento da Administración xeral e do sector público autonómico de Galicia.
– Prazo de vixencia: ata o 15 de decembro de 2016.
– Financiamento: tramitouse con cargo aos orzamentos da Comunidade Autónoma de Galicia para o ano 2016, aplicación orzamentaria 14.02.723A.604.1, código de proxecto 2016 00287, e foi cofinanciada polo Fondo Europeo Marítimo e de Pesca nun 75 %, na medida 7 do programa operativo FEMP (2014-2020).
7. Resolución do 30 de xuño de 2016, da Consellería do Mar, pola que se lle encarga ao medio propio Empresa de Tecnologías y Servicios Agrarios, S.A., para a asistencia técnica para a prestación do servizo de apoio técnico para a realización do estudo das necesidades formativas do sector da acuicultura.
– Actividade: prestación dun servizo de apoio para a realización de estudo das necesidades formativas do sector da acuicultura. Para iso, asistirase, conforme o contido do prego de prescricións técnicas, á Dirección Xeral de Desenvolvemento Pesqueiro, na súa calidade de organismo intermedio facultado para asumir as funcións na devandita materia.
– Natureza e alcance da xestión encomendada: encomenda de xestión a medios propios ao ter a Empresa de Tecnologías y Servizos Agrarios, S.A., filial da Empresa de Transformación Agraria, S.A., a consideración de medio propio instrumental e de servizo técnico da Administración xeral da Comunidade Autónoma de Galicia, en cumprimento do establecido nos artigos 10 e 47 e seguintes da Lei 16/2010, do 17 de decembro, de organización e funcionamento da Administración xeral e do sector público autonómico de Galicia.
– Prazo de vixencia: ata o 30 de setembro de 2016
– Financiamento: tramitouse con cargo aos orzamentos da Comunidade Autónoma de Galicia para o ano 2016, aplicación orzamentaria 14.02.723A.604.1, código de proxecto 2016 00287, e foi cofinanciada polo Fondo Europeo Marítimo e de Pesca nun 75 %, na medida 7 do programa operativo FEMP (2014-2020).
8. Resolución do 15 de setembro de 2016, da Consellería do Mar, pola que se lle encarga ao medio propio Empresa de Tecnologías y Servicios Agrarios, S.A., o asesoramento económico: revisión de datos económicos e técnicos, seguemento de indicadores e elaboración de informes relativos ás solicitudes de axudas xestionadas pola Dirección Xeral de Desenvolvemento Pesqueiro, o seguemento de indicadores e execución e o control destas no marco do Regulamento (EU) nº 508/2014 sobre o FEMP.
– Actividade: prestación dun servizo de asesoramento económico: avaliación da viabilidade técnica e económica dos proxectos presentados nas medidas 1.1.4 e 4.1.3, redacción de informes sobre a viabilidade, e existencia de actividade económica que poida estar afectada polo réxime de axudas de estado, seguimento de indicadores de resultado, estudos estatísticos, informes específicos en relación a variables descritivas, cuestións de índole social, informes anuais de seguimento e seguimento da execución e das actuacións realizadas polos beneficiarios nas medidas 1.1.4, 4.1.2 e 4.1.3.
– Natureza e alcance da xestión encomendada: encomenda de xestión a medios propios ao ter a Empresa de Tecnologías y Servizos Agrarios, S.A., filial da Empresa de Transformación Agraria, S.A., a consideración de medio propio instrumental e de servizo técnico da Administración xeral da Comunidade Autónoma de Galicia, en cumprimento do establecido nos artigos 10 e 47 e seguintes da Lei 16/2010, do 17 de decembro, de organización e funcionamento da Administración xeral e do sector público autonómico de Galicia.
– Prazo de vixencia: ata o 31 de decembro de 2017.
– Financiamento: tramitouse con cargo aos orzamentos da Comunidade Autónoma de Galicia para o ano 2016 e para o ano 2017 na aplicación orzamentaria 14.02.723A.604.1, código de proxecto 2016 00287, e foi cofinanciada polo Fondo Europeo Marítimo e de Pesca nun 75 %, na medida 7 do programa operativo FEMP (2014-2020).
9. Resolución do 22 de abril de 2016, da Consellería do Mar, pola que se lle encarga ao medio propio Empresa de Tecnologías y Servicios Agrarios, S.A., o servizo de tramitación de títulos habilitantes definitivos dos parques de cultivo de Carril.
– Actividade: prestación dun servizo de tramitación dos títulos habilitantes definitivos dos parques de cultivo de Carril, no procedemento de adxudicación destes.
– Natureza e alcance da xestión encomendada: encomenda de xestión a medios propios ao ter a Empresa de Tecnologías y Servizos Agrarios, S.A., filial da Empresa de Transformación Agraria, S.A., a consideración de medio propio instrumental e de servizo técnico da Administración xeral da Comunidade Autónoma de Galicia, en cumprimento do establecido nos artigos 10 e 47 e seguintes da Lei 16/2010, do 17 de decembro, de organización e funcionamento da Administración xeral e do sector público autonómico de Galicia.
– Prazo de vixencia: ata o 30 de novembro de 2017.
– Financiamento: tramitouse con cargo aos orzamentos da Comunidade Autónoma de Galicia para o ano 2016 na aplicación orzamentaria 14.02.723A.604.1, código de proxecto 2016 00287.
Santiago de Compostela, 21 de xullo de 2017
Mª Isabel Concheiro Rodríguez-Segade
Secretaria xeral técnica da Consellería do Mar
