En cumprimento do establecido no artigo 48 da Lei 21/2013, do 9 de decembro, de avaliación ambiental, faise público que, de acordo co establecido no artigo 60.1.c) da Lei 7/2012, do 28 de xuño, de montes de Galicia, a Xefatura Territorial da Consellería do Medio Rural da Coruña autorizou, mediante a Resolución do 18 de xullo de 2017, o cambio de actividade de forestal a agrícola da parcela 367 do polígono 3, do termo municipal de Melide.

O proxecto foi sometido previamente a avaliación ambiental simplificada e o informe de impacto ambiental foi formulado o 1.9.2016. O anuncio foi publicado no DOG núm. 190, do 5 de outubro.

A Coruña, 18 de xullo de 2017

Manuel Rodríguez Vázquez
Xefe territorial da Coruña