Aprobado inicialmente o Plan especial de dotacións (equipamentos privados de uso asistencial-fogar residencial e residencia) en Vilar, tramitado por instancia de María Guadalupe Sampedro Casalta, en representación de Ourensenior, S.L., mediante o Acordo da Xunta de Goberno Local do 26 de xullo de 2017, de conformidade co artigo 75.1.a) da Lei 2/2016, do 10 de febreiro, do solo de Galicia, e co artigo 186.1.a) do seu regulamento, sométese a información pública polo prazo de dous meses contados desde a última publicación no Diario Oficial de Galicia.
Durante o dito prazo, poderá ser examinado por calquera interesado nas dependencias municipais para que se formulen as alegacións que se consideren pertinentes.
Quedan suspendidas as licenzas naqueles ámbitos do territorio cuxas novas determinacións supoñan modificación da ordenación urbanística vixente.
Coles, 27 de xullo de 2017
Susana Rodríguez Rodríguez
Alcaldesa en funcións