O Pleno do Concello de Paradela, na sesión ordinaria celebrada o día 27 de xullo de 2017, adoptou o acordo de aprobación inicial da modificación de plan xeral de ordenación municipal (sen avaliación ambiental) por cambio de localización de dous ámbitos destinados a equipamentos no solo urbano de Paradela.

De acordo co establecido no artigo 60 da Lei 2/2016, do 10 de febreiro, do solo de Galicia, sométese ao trámite de información pública o mencionado acordo durante o prazo de dous meses, contados a partir do día seguinte ao da última publicación do anuncio no Diario Oficial de Galicia e no xornal La Voz de Galicia, para os efectos de que os interesados examinen o expediente e presenten as alegacións e reclamacións que consideren oportunas.

Suspéndese o outorgamento de licenzas naqueles ámbitos do territorio obxecto de planeamento cuxas novas determinacións supoñan a modificación da ordenación urbanística vixente. A duración da suspensión é de dous anos máximo contados desde a devandita aprobación, e, en calquera caso, extinguirase coa aprobación definitiva da modificación do planeamento, tal e como se prevé na Lei 2/2016.

As áreas afectadas pola suspensión son as seguintes:

– Quedan suspendidas as licenzas no ámbito identificado como Q-80 (plano 2) e a parcela de referencia catastral 7358302PH1375N0001FP.

Paradela, 31 de xullo de 2017

José Manuel Mato Díaz
Alcalde presidente