A Orde do 2 de xuño de 2017 (DOG núm. 106, do 6 de xuño) establece as bases e anuncia a convocatoria -en réxime de concorrencia competitiva e con sometemento aos principios de publicidade, obxectividade, transparencia, igualdade, mérito e capacidade- de cinco bolsas de formación nos lectorados de lingua, literatura e cultura galegas nos centros de estudos galegos localizados noutras tantas universidades de fóra de Galicia.
Logo de ver a proposta de resolución definitiva de adxudicación das ditas bolsas de formación e a certificación, remitidas ambas as dúas pola subdirectora xeral de Política Lingüística en cumprimento do establecido no artigo 16.2 da antedita orde, acompañadas da acta da comisión de valoración constituída ao abeiro do artigo 15.5 da referida orde e da resolución definitiva de admitidos e excluídos, este secretario xeral, en uso das facultades que lle son expresamente delegadas en virtude da disposición adicional única da Orde do 2 de xuño de 2017,
DISPÓN:
Artigo 1
Adxudicar as bolsas de formación nos lectorados de lingua, literatura e cultura galegas dos centros de estudos galegos localizados nas universidades que se especifican, coas condicións establecidas na orde da convocatoria e polo período que se indica, ás persoas relacionadas no anexo I.
Artigo 2
Aceptar, polo motivo especificado, a desistencia da súa solicitude das persoas que se relacionan no anexo II.
Artigo 3
Contra esta resolución, que pon fin á vía administrativa, os/as interesados/as poderán interpoñer recurso potestativo de reposición perante o/a titular da Secretaría Xeral de Política Lingüística, no prazo dun mes, que se contará a partir do día seguinte ao da súa publicación no Diario Oficial de Galicia, segundo o disposto nos artigos 116 e 117 da Lei 30/1992, do 26 de novembro, de réxime xurídico das administracións públicas e do procedemento administrativo común, modificados pola Lei 4/1999, ou ben directamente recurso contencioso-administrativo ante o Tribunal Superior de Xustiza de Galicia, no prazo de dous (2) meses contados a partir do día seguinte ao da súa publicación, segundo dispoñen os artigos 10 e 46 da Lei 29/1998, do 13 de xullo, reguladora da xurisdición contencioso-administrativa.
Disposición derradeira
Esta resolución entrará en vigor o día seguinte ao da súa publicación no Diario Oficial de Galicia.
Santiago de Compostela, 28 de agosto de 2017
O secretario xeral de Política Lingüística
P.S. (Resolución do 9.8.2017)
Jesús Oitavén Barcala
Secretario xeral técnico da Consellería de Cultura,
Educación e Ordenación Universitaria
ANEXO I
Adxudicación das bolsas de formación
Destino |
Apelidos e nome |
NIF |
Período |
Universidade do Algarve |
López Arias, Patricia |
53195583X |
1.10.2017 a 30.9.2020 |
Universidade de Estremadura |
Vidal Fonseca, Guillermo |
45861463S |
1.9.2017 a 31.8.2020 |
Universidade de Granada |
Fernández Lorenzo, Marisa |
34882939N |
1.10.2017 a 30.9.2020 |
Universidade Complutense de Madrid |
Cousillas Pena, Paula |
47401010B |
1.10.2017 a 30.9.2020 |
Universidade de Padua |
Serantes Blanco, Santiago |
44092139N |
1.10.2017 a 30.9.2020 |
ANEXO II
Relación de desistidos
Nº |
Apelidos e nome |
NIF |
Motivo |
1 |
Estefanía Martínez Pardiñas |
35580455F |
Non presentarse á fase de exposición e defensa do proxecto didáctico (artigo 12.4) |