O artigo 15.2 da Lei 1/2016, do 18 de xaneiro, de transparencia e bo goberno, impón a cada consellería ou entidade da Xunta de Galicia a obriga de publicar no Diario Oficial de Galicia, dentro dos vinte primeiros días dos meses de xaneiro, maio e setembro de cada ano, unha relación dos convenios de colaboración subscritos referida ao cuadrimestre anterior.
En consecuencia, e para darlle cumprimento a esa obriga,
DISPOÑO:
Artigo único
Darlle publicidade á relación dos convenios subscritos polo Instituto Galego da Vivenda e Solo no segundo cuadrimestre do ano 2017 que se incorpora como anexo a esta resolución.
Santiago de Compostela, 5 de setembro de 2017
Heriberto García Porto
Director xeral do Instituto Galego da Vivenda e Solo
ANEXO
Convenios de colaboración subscritos polo Instituto Galego da Vivenda e Solo no segundo cuadrimestre do ano 2017
Convenio |
Importe achegado polo IGVS |
Data de sinatura |
Convenio de colaboración entre o Instituto Galego da Vivenda e Solo (IGVS) e Abanca Corporación Bancaria, S.A. para desenvolver a recadación do programa de facturación das vivendas e locais comerciais de promoción pública do IGVS e as devolucións derivadas do depósito e cancelación de fianzas no IGVS. |
129.012 € |
9.6.2017 |
Convenio de colaboración entre o Instituto Galego da Vivenda e Solo e o Concello de Mondoñedo para a concesión directa dunha subvención ao Concello de Mondoñedo. |
42.000 € |
12.5.2017 |
Convenio de colaboración entre o Instituto Galego da Vivenda e Solo (IGVS) e a Asociación de Empresarios de Materiales para la Construcción (Asemaco) para a divulgación das axudas en materia de vivenda en Galicia e do financiamento co sistema Crediasemaco. |
12.000 € |
27.4.2017 |