1. Entidade adxudicadora: datos xerais e datos para a obtención da información:

a) Organismo: Servizo Galego de Saúde.

b) Dependencia que tramita o expediente: Dirección Xeral de Recursos Económicos.

c) Obtención de documentación e información:

1º. Dependencia: Servizo de Contratación.

2º. Domicilio: Edificio Administrativo San Lázaro, s/n, 2ª planta.

3º. Localidade e código postal: Santiago de Compostela 15703.

4º. Teléfono: 881 54 18 27.

5º. Telefax: 881 54 27 62.

6º. Enderezo da internet do perfil do contratante: www.sergas.es

7º. Data límite de obtención de documentación e información: antes das 14.00 horas do día 23.10.2017.

d) Número de expediente: MA-SER1-17-005.

2. Obxecto do contrato:

a) Tipo: subministración.

b) Descrición: acordo marco de selección das empresas que poderán optar a executar os contratos para a subministración de implantes de marcapasos e desfibriladores con destino ás estruturas de xestión integrada do Servizo Galego de Saúde.

c) División por lotes e número de lotes/número de unidades: si/30.

d) Prazo de execución/entrega: dous anos desde a súa formalización.

e) Admisión de prórroga: si.

f) CPV (referencia de nomenclatura): 33182210-4 e 33182100-0.

3. Tramitación e procedemento:

a) Tramitación: ordinaria.

b) Procedemento: aberto.

c) Criterios de selección:

Concepto	Puntuación
Criterios e subcriterios non valorables de forma automática (sobre B)
Calidade técnica do produto	0-50
criterios valorables de forma automática (sobre C)
Oferta económica	0-45
Loxística	0-5

Criterios de adxudicación dos contratos derivados (2ª fase):

Criterios de adxudicación para a 2ª fase	0-100 puntos
Programación e seguimento dos dispositivos: desagréganse nos seguintes subcriterios: • Sistema de avaliación do estado clínico do paciente (apnea do sono, retención de líquidos e baixo gasto). • Características do programador (intuitivo, rápido e de fácil manexo).	Ata 30 puntos
Características técnicas: desagréganse nos seguintes subcriterios: • Dispoñibilidade de dispositivos de pequeno tamaño, baixo peso ou baixo perfil, a duración/lonxevidade do dispositivo, a súa facilidade de manexo e sinxeleza e a súa funcionalidade. Grao de compatibilidade con RM (zona e tempo). • Características adicionais de calidade dos eléctrodos (compatibilidade con RM, varias lonxitudes e varias configuracións distais).	Ata 20 puntos
Servizos de valor engadido: desagréganse nos seguintes subcriterios: • A dispoñibilidade de servizos, programas e prestacións complementarias enfocados a mellorar a eficiencia dos procesos asistenciais, así como a posta a disposición de equipos humanos de apoio. • A achega, deseño e implementación de tecnoloxías específicas para a xestión de depósitos, implantes e rastrexabilidade nos distintos centros.	Ata 20 puntos
Evidencia clínica e científica: • Estudos e publicacións de resultados clínicos e supervivencia, estudos multicéntricos, tempo de seguimento, unidades implantadas e calidade da evidencia.	Ata 10 puntos
Prezo	Ata 20 puntos

4. Valor estimado dos contratos: 83.446.300,80 euros.

5. Garantías exixidas:

Provisional (importe): non. Definitiva: 5 % do importe da licitación do lote, excluído o IVE, de cada contrato derivado do marco.

6. Requisitos específicos do contratista:

a) Solvencia económica e financeira e solvencia técnica ou profesional: ver as letras f) e g) da cláusula 6.6.2 do prego de cláusulas administrativas particulares.

7. Presentación das ofertas:

a) Data límite de presentación: antes das 14.00 horas do día 23.10.2017.

Se o último día de presentación de solicitudes coincidir en día inhábil na localidade establecida na cláusula 5.2. do prego de cláusulas administrativas particulares, o prazo de presentación prorrogarase ao primeiro día hábil seguinte.

b) Lugar de presentación:

1º. Dependencia: Rexistro Xeral da Consellería de Sanidade e do Servizo Galego de Saúde.

2º. Domicilio: Edificio Administrativo San Lázaro, s/n.

3º. Localidade e código postal: Santiago de Compostela 15703.

c) Admisión de variantes: non.

d) Prazo durante o cal o licitador estará obrigado a manter a súa oferta: 4 meses contados desde a data de apertura das proposicións.

8. Apertura das ofertas:

a) Enderezo: Servizo Galego de Saúde, Edificio Administrativo San Lázaro, s/n.

b) Localidade e código postal: Santiago de Compostela 15703.

c) Data e hora: a apertura do sobre B terá lugar na sala 2-1 do Edificio Administrativo San Lázaro, ás 9.00 horas do décimo primeiro día natural contado desde o día seguinte ao de finalización de presentación das ofertas. No caso que o día sinalado coincida en sábado, domingo ou festivo, realizarase o seguinte día hábil.

A apertura do sobre C publicarase no perfil do contratante.

9. Gastos de publicidade: si, por conta do adxudicatario.

10. Data de envío do anuncio ao Diario Oficial de la Unión Europea: 11.9.2017.

Santiago de Compostela, 11 de setembro de 2017

Mª Jesús Piñeiro Bello
Directora xeral de Recursos Económicos