Descargar PDF Galego | Castellano| Português

DOG - Xunta de Galicia -

Diario Oficial de Galicia
DOG Núm. 195 Venres, 13 de outubro de 2017 Páx. 48066

V. Administración de xustiza

Xulgado do Social número 2 de Santiago de Compostela

EDICTO (93/2015).

Eu, Marina Pilar García de Evan, letrada da Administración de xustiza do Xulgado do Social número 2 de Santiago de Compostela, fago saber que no procedemento ordinario 93/2015 deste xulgado do social, seguido por instancia de Beatriz Iglesias Jamardo contra José Antonio Riveiro Codesido y Otro, S.C., Mario Riveiro Codesido, Mónica Riveiro Codesido e o Fondo de Garantía Salarial, sobre ordinario, se ditou a seguinte sentenza:

«Sentenza 421/2017.

En Santiago de Compostela o 20 de setembro de 2017.

Vistos por Carolina Nores Díaz, maxistrada xuíza do Xulgado do Social número 2 de Santiago de Compostela e o seu partido, os presentes autos de xuízo número 93/2015, seguido por instancia de Beatriz Iglesias Jamardo, representada e asistida polo letrado Sr. Otero Lourido, contra José Antonio Riveiro Codesido y Otros, S.C., Mario Riveiro Codesido, Mónica Riveiro Codesido e o Fogasa, que non comparecen malia estaren debidamente citados, sobre reclamación de cantidade.

Decido que debo estimar a demanda presentada por instancia de Beatriz Iglesias Jamardo, representada e asistida polo letrado Sr. Otero Lourido, contra José Antonio Riveiro Codesido y Otros, S.C., Mario Riveiro Codesido, Mónica Riveiro Codesido e o Fogasa, que non comparecen malia estaren debidamente citados, e debo condenar directamente a sociedade civil José Antonio Rivero Codesido y Otros, S.C. ao aboamento da cantidade de 2.726,58 euros e, subsidiariamente e en proporción da súa respectiva participación na sociedade, aos socios que a integran, e todo iso co xuro de demora que se contén no artigo 29.3 do ET sobre a devandita cantidade, devindicado desde a data de presentación da papeleta de conciliación (STS 17.6.2014) ata a presente resolución e os do artigo 576 da LAC a partir da presente resolución.

Debo absolver e absolvo o Fogasa sen prexuízo da súa responsabilidade subsidiaria nos casos previstos no artigo 33 do Estatuto dos traballadores».

E para que sirva de notificación en legal forma a José Antonio Riveiro Codesido y Otro, S.C. e a Mario Riveiro Codesido, en ignorado paradoiro, expido o presente para a súa inserción no Diario Oficial de Galicia.

Advírtese aos destinatarios que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que sexan auto ou sentenza, ou cando se trate de emprazamento.

Santiago de Compostela, 21 de setembro de 2017

A letrada da Administración de xustiza