Con data 11 de setembro de 2017 o conselleiro de Sanidade ditou resolución do recurso de alzada do expediente sancionador 2016271AL-PO, incoado na Xefatura Territorial de Pontevedra á entidade mercantil Atunes y Lomos, S.L. Con data 11 de xullo de 2017 o conselleiro de Sanidade ditou resolución do recurso de alzada do expediente sancionador 2015306AL-CO, incoado na Xefatura Territorial da Coruña á entidade mercantil Fruterías Alberti e Hijos, S.L.

Intentada a notificación desta resolución segundo o disposto no artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, e ao non ser posible a súa práctica, por medio desta cédula e segundo o disposto no número 5 do referido artigo, notifícaselle á entidade mercantil Atunes y Lomos, S.L. o contido da resolución que figura como anexo, para que poida ter coñecemento del.

Así mesmo, fáiselle saber o dereito que a asiste para interpor recurso contencioso-administrativo ante o xulgado competente no prazo de dous meses, contados desde o día seguinte á publicación da presente cédula, segundo o disposto no artigo 46 da Lei 29/1998, do 13 de xullo, reguladora da xurisdición contencioso-administrativa, e lémbraselle o seu dereito a consultar o expediente, depositado nas dependencias dos servizos centrais, no Servizo Técnico-Xurídico (Secretaría Xeral Técnica), situado no terceiro andar do Edificio Administrativo San Lázaro, en Santiago de Compostela e obter, de ser o caso, copia, segundo o previsto na letra a) do artigo 35 da citada Lei 30/1992, do 26 de novembro.

Esta cédula expídese para que conste e lle sirva de notificación á interesada, en cumprimento do disposto no artigo 59.5 da xa citada Lei 30/1992, do 26 de novembro. Así mesmo, faise constar que a eficacia da notificación quedará supeditada á súa publicación no taboleiro de edictos único (TEU) do Boletín Oficial del Estado (BOE).

Santiago de Compostela, 28 de setembro de 2017

Andrés Paz-Ares Rodríguez
Director xeral de Saúde Pública

ANEXO

Nº de expediente: 2016271AL-PO.

Interesada: Atunes y Lomos, S.L.

Documento de identificación: B36998755.

Último enderezo coñecido: rúa Coruña, 24, 1º A, 36208 Vigo.

Feito imputado: infracción da lexislación aplicable en materia sanitaria.

Tipificación: grave.

Resolución: desestimatoria do recurso.