De conformidade co establecido no artigo 82 da Lei 2/2016 e 199 do Decreto 143/2016, do 22 de setembro, polo que se aproba o Regulamento da Lei 2/2016, faise público que o Concello Pleno, en sesión celebrada o día 3 de outubro de 2017, adoptou o seguinte acordo:

«Primeiro. Aprobar definitivamente conforme o artigo 86.1.f) da Lei 9/2002 e disposición transitoria segunda da Lei 2/2016 o Plan de sectorización para ampliación de parque empresarial de Vilalba promovido por Queserías Entrepinares, S.A.U. con CIF A47037296 conforme o proxecto redactado para aprobación definitiva en data de setembro de 2017 polo enxeñeiro de Camiños, Canles e Portos Manuel Campo Díaz, e o arquitecto técnico Manuel Ángel López Real.

Segundo. Ordenar a publicación do presente acordo no Diario Oficial de Galicia dentro do prazo de 1 mes desde a súa adopción, anuncio en que se incluirán as medidas adoptadas para o seguimento dos efectos no ambiente de aplicación do plan, conforme o artigo 82.2 da Lei 2/2016 do solo de Galicia, recollidas no estudo de sustentabilidade ambiental, impacto territorial e paisaxístico que forma parte do documento para aprobación definitiva do Plan de sectorización para ampliación de parque empresarial promovido por Queserías Entrepinares, S.A.U. que se transcriben a continuación:

– Redacción do presente estudo de sustentabilidade ambiental, impacto territorial e paisaxístico.

– Inclusión das medidas definidas dentro deste documento nas normas de edificación recollidas dentro do plan de sectorización.

– Redacción dun estudo de impacto para o futuro proxecto de execución da ampliación do parque empresarial, no cal se recollerán, polo menos, os seguintes aspectos:

• Medidas correctoras para os posibles impactos producidos polas obras.

• Estudo de impacto das obras para detectar posibles afeccións durante estas e propoñer medidas correctoras.

– Incorporación da ampliación ao Plan de control ambiental do parque empresarial.

Tercero. Ordenar a publicación no Boletín Oficial da provincia de Lugo do documento que conteña a normativa e as ordenanzas do Plan de sectorización para ampliación de parque empresarial de Vilalba, conforme o artigo 82.6 da Lei 2/2016, do solo de Galicia.

Cuarto. Proceder conforme o artigo 88 da Lei 2/2016, do solo de Galicia, á remisión, unha vez publicado no Diario Oficial de Galicia o presente acordo, á consellería competente en materia de urbanismo, dun exemplar en soporte dixital dilixenciado do documento aprobado definitivamente para a su inscrición no Rexistro de Planeamento Urbanístico de Galicia.

Quinto. Ordenar a publicación do presente acordo, xunto coa ordenación definitivamente aprobada, na sede electrónica do Concello de Vilalba http://vilalba.sedelectronica.es/transparency/89044ec9-21eb-42a9-ae56-19f40791dc9b/ (www.vilalba.org - sede electrónica - transparencia - 7. urbanismo, obras públicas e ambiente_urbanismo, obras públicas e medio ambiente - 7.1. planeamento urbanístico_planeamiento urbanístico - “carpeta”) e practicar as notificacións preceptivas en observancia da lexislación aplicable.

Sexto. En todo caso, a eficacia do presente acordo e a entrada en vigor do Plan de sectorización para ampliación do parque empresarial de Vilalba promovido por Queserías Entrepinares, S.A.U., quedan condicionadas á súa publicación, de conformidade co establecido no artigo 82 da Lei 2/2016, de 10 de febreiro, do solo de Galicia, e o artigo 70.2 da Lei 7/1985, do 2 de abril, reguladora das bases do réxime local, e transcorrido o prazo de 15 días sinalado no artigo 65.2 desta e a súa inscripción no Rexistro de Planeamento Urbanístico de Galicia, conforme o artigo 88 da Lei 2/2016».

O presente plan ten natureza de disposición de carácter xeral, polo que contra este acordo poderá interpoñerse recurso contencioso-administrativo, no prazo de dous meses a partir do día seguinte ao da súa publicación, dacordo co artigo 46.1 da Lei reguladora da xurisdición contencioso-administrativa, ante a Sala do Contencioso-Administrativo do Tribunal Superior de Xustiza de Galicia, sen prexuízo do exercicio das accións legales que se consideren convenientes.

Vilalba, 30 de outubro de 2017

Agustín Baamonde Díaz
Alcalde