Convocada mediante a Resolución CM-01/2017, do 18 de abril (DOG núm. 97, do 23 de maio), a provisión de diversos postos de xefatura de persoal de xestión e servizos, polo sistema de concurso de méritos, a Xerencia de Xestión Integrada, á vista das solicitudes e méritos acreditados polo aspirante, de conformidade co establecido no Decreto 206/2005, do 22 de xullo, de provisión de prazas de persoal estatutario do Servizo Galego de Saúde, así como no artigo 3 da Orde do 24 de maio de 2006 pola que se establecen as bases do procedemento para a provisión dos postos de xefatura e coordinación das institucións sanitarias do Servizo Galego de Saúde, en virtude das competencias atribuídas polo Decreto 43/2013, do 21 de febreiro (DOG núm. 47, do 7 de marzo), polo que se establece a estrutura orgánica do Servizo Galego de Saúde, modificado polo Decreto 111/2013, do 4 de xullo (DOG núm. 140, do 24 de xullo); Decreto 193/2010, do 18 de novembro, polo que se regula a estrutura organizativa de Xestión Integrada de Ferrol; Orde do 28 de setembro de 2011 pola que se desenvolve a estrutura organizativa de Xestión Integrada de Ferrol e se delegan competencias nos seus órganos directivos, e a Orde do 5 de xullo de 2012 (DOG núm. 139, do 20 de xullo), sobre delegación de competencias en órganos centrais e periféricos do Servizo Galego de Saúde,

DISPÓN:

Primeiro. Resolver a convocatoria pública para a provisión de diversos postos de xefatura de persoal de xestión e servizos, realizada mediante a Resolución CM-01/2017, do 18 de abril (DOG núm. 97, do 23 de maio).

Segundo. Nomear, para os postos que se indican, as persoas relacionadas no anexo a esta resolución.

Terceiro. O réxime de cesamento na praza de orixe e de toma de posesión da praza adxudicada será o establecido no artigo 27 da Orde do 24 de maio de 2006 (DOG núm. 106, do 5 de xuño), pola que se establecen as bases do procedemento para a provisión dos postos de xefatura e coordinación das institucións sanitarias do Servizo Galego de Saúde.

Contra esta resolución poderase interpor, nos termos previstos na Lei 39/2015, do 1 de outubro, do procedemento administrativo común das administracións públicas, recurso de alzada, perante a Dirección Xeral de Recursos Humanos do Servizo Galego de Saúde, no prazo dun mes contado desde o día seguinte ao da súa publicación.

Ferrol, 9 de outubro de 2017

Ángel José Facio Villanueva
Xerente de Xestión Integrada de Ferrol

ANEXO

1. Posto de traballo: xefe/a de grupo Almacén.

Nome e apelidos: Francisco Romalde Naveiras.

DNI: *****072R.

2. Posto de traballo: xefe/a de grupo Contabilidade Orzamentaria.

Nome e apelidos: M. Luisa Cagiao Hernandorena.

DNI: *****121H.

3. Posto de traballo: xefe/a de grupo Microinformática.

Nome e apelidos: David Piñeiro Vellón.

DNI: *****341Z.

4. Posto de traballo: xefe/a de grupo de Facturación a Terceiros.

Nome e apelidos: Marta Pérez Fernández.

DNI: *****598J.

5. Posto de traballo: xefe/a de grupo de Investimentos.

Nome e apelidos: Luisa Leirachá González.

DNI: *****662H.

6. Posto de traballo: xefe/a de Sección de Contratación Administrativa.

Nome e apelidos: M. Soledad García González.

DNI: *****751C.

(*) Ocúltase parcialmente o número do DNI para preservar os datos de carácter persoal, de acordo coa Lei orgánica 15/1999, do 13 de decembro.