A Consellería de Política Social, unha vez cumpridos os trámites correspondentes, resolve anunciar a contratación que a seguir se cita:
1. Entidade adxudicadora. Datos xerais e datos para a obtención da información:
a) Organismo: Consellería de Política Social.
b) Dependencia que tramita o expediente: Dirección Xeral de Familia, Infancia e Dinamización Demográfica.
c) Número de expediente: PA 59/2017.
2. Obxecto do contrato:
a) Descrición do obxecto: contratación do servizo de xestión dos puntos de encontro familiar de Ferrol, Ourense, Pontevedra e Vigo.
b) Nº de lotes: 4.
c) Lugar de execución: Ferrol, Ourense, Pontevedra e Vigo.
d) Prazo de execución: desde a súa sinatura ata o 31 de decembro de 2019.
e) Admisión de prórroga: si.
f) CPV (referencia nomenclatura): 8532000-8 servizos sociais.
3. Tramitación e procedemento de adxudicación:
a) Tramitación: ordinaria, documentalmente simplificado e anticipado de gasto.
b) Procedemento: aberto.
c) Criterios de adxudicación: ver cláusula 5.2 do prego de cláusulas administrativas particulares (PCAP).
4. Orzamento base de licitación: oitocentos trinta e sete mil setecentos trinta e tres euros con oitenta e oito céntimos (837.733,88 €), aos cales se lle engaden cento setenta e cinco mil novecentos vinte e catro euros con doce céntimos (175.924,12 €), que corresponden ao IVE (21 %), polo que o importe total do expediente de gasto é dun millón trece mil seiscentos cincuenta e oito euros (1.013.658,00 €).
5. Garantías exixidas:
a) Provisional: non.
b) Definitiva: 5 % do importe de adxudicación, sen incluír o IVE, do contrato ou lote do que resulte adxudicatario.
6. Obtención de documentación e información:
a) Entidade: Dirección Xeral de Familia, Infancia e Dinamización Demográfica-Servizo de Xestión Económica.
b) Enderezo: Edificio Administrativo San Caetano, s/n.
c) Localidade e código postal: Santiago de Compostela, 15781.
d) Teléfonos: 981 54 56 69-881 99 53 30.
e) Fax: 981 54 46 34.
f) Data límite de obtención de documentos e información: ata o día de finalización do prazo de presentación de proposicións.
7. Requisitos específicos do contratista:
Solvencia económica e financeira e solvencia técnica ou profesional: ver cláusulas 5.4.7 do PCAP.
8. Presentación de ofertas:
a) Data límite de presentación: o prazo de presentación das ofertas comezará o día seguinte ao da publicación desta anuncio no Diario Oficial de Galicia e finalizará aos quince días naturais seguintes, a non ser que o último día sexa inhábil, caso en que se prorrogará ata o primeiro día hábil seguinte.
b) Lugar de presentación: Rexistro Xeral e Información á Cidadanía da Xunta de Galicia, sito no Edificio Administrativo San Caetano, s/n, 15781 Santiago de Compostela. Sen prexuízo do anterior, os licitadores poderán enviar as súas proposicións por correo segundo o establecido no PCAP.
c) Admisión de variantes: non.
9. Apertura de ofertas:
a) Descrición:
Apertura dos sobres A: acto non público, cualificación da documentación xeral.
Apertura dos sobres B: acto público, apertura da documentación non avaliable mediante fórmulas.
Apertura dos sobres C: acto público, apertura da documentación avaliable mediante fórmulas.
b) Enderezo: Edificio Administrativo San Caetano, s/n, 15781 Santiago de Compostela.
c) Data e hora de apertura: publicarase no perfil do contratante a apertura dos sobres A, B e C.
10. Gastos de publicidade: serán por conta dos adxudicatarios.
11. Portal informático ou páxina web onde figuren as informacións relativas á convocatoria ou onde poidan obterse os pregos: http://www.contratosdegalicia.gal/resultado.jsp?N=224984.
Santiago de Compostela, 16 de novembro de 2017
O conselleiro de Política Social
P.D. (Orde do 3.3.2016)
Francisco Javier Abad Pardo
Secretario xeral técnico da Consellería de Política Social